١ لوجود التوجہ الی جہة التحری ٢ وہذہ المخالفة غیر مانعة کما فی جوف الکعبة (٢٥٠) ومن علم منہم بحال امامہ تفسد صلاتہ) ١ لانہ اعتقدا مامہ علی الخطا
نے کیا کیا تو سب کی نماز ہو جائے گی ۔
ترجمہ: ١ تحری کی جانب توجہ ہو نے کی وجہ سے۔
تشریح : یہ مسئلہ اس قاعدے پر ہے کہ امام سے آگے نماز پڑھی تو نماز نہیں ہو گی ،کیونکہ امام سے آگے بڑھ گیا ۔اسی طرح نماز پڑھتے وقت مقتدی کو امام کی غلطی کا یقین ہے تو اس مقتدی کی نماز نہیں ہو گی ، کیونکہ اپنے اعتقاد میں امام کو غلط مان رہا ہے ۔۔اب مسئلے کی تشریح یہ ہے کہ کچھ لوگ اندھیری رات میں نماز پڑھ رہے تھے ، قبلہ معلوم نہ ہو نے کی وجہ سے ہر ایک نے اپنی اپنی جہت میں نماز پڑھی ، اور امام نے امامت کروائی ۔تو جو لوگ امام سے پیچھے رہے اسکی نماز ہو جائے گی ، لیکن جو لوگ امام سے آگے رہے اسکی نماز نہیں ہو گی ، اسکی وجہ یہ ہے کہ مقتدی کا فرض امام سے پیچھے رہنا تھا ، اس نے فرض چھوڑ دیا اور امام سے آگے ہو گیا اسلئے اسکی نماز نہیں ہو گی ۔ اسی طرح جسکو یقین کے ساتھ معلوم ہو گیا کہ امام غلط رخ پر نماز پڑھ رہے ہیں اسکی بھی نماز نہیں ہو گی ۔ اسکی وجہ یہ ہے کہ امام کو خطا پر یقین کر نے سے اسکی اقتداء نہیں ہو ئی اسلئے اسکی نماز بھی نہیں ہو گی ۔اور دوسروں کی نماز اسلئے ہو جائے گی کہ انکے ذمے تحری کرنا تھا اور وہ کر لیا چاہے جدھر توجہ ہو اسلئے انکی نماز ہو جاے گی ۔ اور امام کی غلطی کا پتہ نہیں ہے اسلئے انکی اقتداء بھی درست ہے ، اور ہر ایک کی جہت مختلف ہو نے کے باوجود بھی نماز اسلئے ہو جائے گی ،کہ کعبہ کے اندر ہر ایک کی توجہ الگ الگ ہو تب بھی نماز ہو جاتی ہے اسی طرح یہاں بھی ہر ایک کی توجہ الگ الگ ہو تب بھی نماز ہو جائے گی ۔
ترجمہ : ٢ اور یہ مخالفت مانع نماز نہیں ہے جیسے کعبہ کے اندر نماز ۔
تشریح : اندھیری رات میں ہر ایک کی جہت الگ الگ ہو گئی تو اس مخالفت سے بھی نماز ہو جائے گی کوئی مانع نہیں ہے اسلئے کہ مجبوری کی وجہ سے کی ہے ، اور تحری کا حکم تھا وہ کر لیا ہے اسلئے ہر ایک کی نماز ہو جائے گی ۔ باقی رہی جہت میں مخالفت تو اسکی مثال موجود ہے کہ کعبہ کے اندر ہر ایک کی جہت الگ الگ ہو تی ہے پھر بھی سب کی نما ز ہو جاتی ہے۔
ترجمہ : (٢٥٠) مقتدیوں میں سے جس نے امام کی حالت جان لی اسکی نماز فاسد ہو جائے گی ۔
ترجمہ : ١ اسلئے کہ امام کو غلطی پر ہو نے کا اعتقاد کیا ۔
تشریح : مقتدی میں سے کسی نے امام کی حالت جان لی کہ وہ خطاء پر ہے تو اسکی نماز نہیں ہو گی ، اسلئے کہ امام کو غلط سمجھا اسلئے اسکی اقتدائہی صحیح نہیں ہوئی اسلئے اس مقتدی کی نماز صحیح نہیں ہوئی ۔
