١ و کذا الجنب لقولہ علیہ السلام : فانی لا احل المسجد لحائض و لا جنب، و ھو باطلاقہ حجةعلی الشافعی فی اباحةالدخول علی وجہ العبور و المرور، (١٣٦) و لا تطوف بالبیت) ١ لان الطواف فی المسجد،
وجہ: (١) حدیث میں ہے کہ سمعت عائشة ... فقال وجھوا ھذہ البیوت عن المسجد فانی لا احل المسجد لحائض ولا جنب ۔ (ابو داؤد شریف، باب فی الجنب یدخل المسجد ص ٣٤ نمبر ٢٣٢) اس حدیث سے معلوم ہوا کہ حائضہ عورت مسجد میں داخل نہیں ہو سکتی۔ اور مسجد حرام میں طواف ہوتا ہے اس لئے وہ طواف بھی نہیں کر سکتی ۔(٢)عورتوں کو عیدین میں شریک ہو نے کی اجازت ہے لیکن حائضہ عورتیں عیدگاہ سے الگ رہیں کیونکہ عیدگاہ مسجد ہے اسلئے اس سے بھی حائضہ عورت کو الگ رہنے کا حکم دیا ، حدیث یہ ہے عن ام عطیة قالت : أمرنا أن نخرج الحیض یوم العیدین و ذوات الخدور فیشھدن جماعة المسلمین و دعوتھم ، ویعتزل الحیض عن مصلاھن ۔ (بخاری شریف ، باب وجوبالصلاة فی الثیاب ، ص ٥١ ، نمبر ٣٥١)اس حدیث میں ہے کہ حائضہ عورت عیدگاہ سے الگ رہے کیونکہ وہ بھی مسجد ہے ۔
ترجمہ: ١ اور ایسے ہی جنبی آدمی بھی مسجد میں داخل نہیں ہو گا حضور ۖ کے قول کی وجہ سے کہ میں حائضہ اور جنبی کے لئے مسجد حلال نہیں کر تا ہوں ۔ اور یہ حدیث اپنے مطلق ہو نے کی وجہ سے امام شافعی پر حجت ہے گزرنے کے طور پر داخل ہونے کے مباح کرنے کے بارے میں ۔
تشریح : اوپر کی حدیث سے معلوم ہوا کہ حائضہ اور جنبی مسجد میں داخل نہیں ہو سکتا ، یہ حدیث امام شافعی پر بھی حجت ہو گی ۔امام شافعی فرماتے ہیں کہ جنبی آدمی گزرتے اور چلتے ہوئے مسجد میں داخل ہو کر نکل جائے تو جائز ہے البتہ یوں داخل نہیں ہو سکتا ۔
وجہ: انکی دلیل آیت ہے جس میں ہے کہ جنبی گزرتے ہوئے مسجد میں داخل ہو جائے تو اسکے لئے گنجائش ہے ۔ آیت یہ ہے یآیھا الذین آمنوا لا تقربوا الصلوة و انتم سکرٰٰی حتی تعلموا ما تقولون و لا جنباً الا عابری سبیل حتی تغتسلوا (آیت ٤٣ سورة النساء ٤) اس آیت میں الا عابری سبیل ،ہے کہ گزرتے ہوئے مسجد میں داخل ہو جائے تو اسکے لئے گنجائش ہے ۔ہمارا جواب یہ ہے کہ حدیث میں جنبی کو مطلقا مسجد میں داخل ہو نے سے منع فرمایا ہے اسلئے گزرتے ہوئے داخل ہو نے سے بھی منع کیا جائے گا ۔
ترجمہ: (١٣٦) حائضہ نہ بیت اللہ کا طواف کرے ۔
ترجمہ: ١ اسلئے کہ طواف مسجد حرام میں ہو تا ہے ۔
تشریح : اوپر گزرا کہ حائضہ مسجد میں داخل نہیں ہو سکتی اور طواف مسجد حرام میں ہو تا ہے اسلئے حائضہ طواف بھی نہیں کر سکتی
