(٥٢) و شعر المیتة، وعظمھا طاھر)
معلوم ہوا کہ ذبح کرنے سے بھی چمڑا پاک ہو جاتا ہے ۔حدیث یہ ہے عن ابی سعید : ان النبی ۖ مر بغلام یسلخ شاة فقال لہ رسول اللہ ۖ : تنح حتی أریک ، فأدخل یدہ بین الجلد و اللحم فدحس بھا حتی توارت الی الابط ثم مضی للناس و لم یتوضأ ۔زاد عمر فی حدیثہ : یعنی لم یمس ماء ۔(ابو داود شریف ،باب الوضوء من مس اللحم النیء و غسلہ ،ص ٢٨ نمبر ١٨٥ ابن ماجة ، باب السلخ ،ص ٤٦٢ نمبر ٣١٧٩) اس حدیث میں ہے کہ آپ ۖ نے ذبح کیا ہوا چمڑا چھویا اور دوبارہ وضو نہیں کیا،جس سے معلوم ہوا کہ ذبح کرنے سے بھی چمڑا پاک ہو جاتا ہے (٣)دوسری وجہ یہ ہے کہ جس طرح دباغت دینے سے بہتا ہوا خون نکل جاتا ہے اور ناپاک رطوبت بھی نکل جاتی ہے اسی طرح ذبح کرنے سے بھی بہتا ہوا خون نکل جاتا ہے اور ناپاک رطوبت بھی نکل جاتی ہے اسلئے بھی ذبح کرنے سے چمڑا اور گوشت پاک ہو جائیں گے ۔(٤) ذبح کرنے سے بہتا ہوا خون نکل جاتا ہے اور گوشت پاک ہو جا تا ہے اور کھانے کے لئے حلال ہو جا تا ہے ، اسلئے ذبح کر نے سے چمڑا بھی پاک ہو جائے گا
فائدة : بعض حضرات فرماتے ہیں کہ جن جانوروں کا گوشت نہیں کھایا جاتا ہے ذبح کرنے سے اسکا چمڑا پاک نہیں ہو گا جب تک کہ دوبارہ اس پر دباغت نہ دیا جائے ۔انکی دلیل یہ حدیث ہے عن ابی الملیح ابن اسامة عن أبیہ : أن رسول اللہ ۖ نھی عن جلود السباع ۔(ابوداود شریف ،باب فی جلود النمور و السباع ،ص ٥٨١ نمبر ٤١٣٢ ) اس حدیث میں ہے کہ پھاڑ کھانے والے یعنی غیر ماکول اللحم کے چمڑے سے منع فرمایا ،اسکی ایک وجہ یہ بھی ہو سکتی ہے کہ اسکا چمڑا بغیر دباغت سے پاک نہیں ہو گا ۔
لغت : اھاب : کچا چمڑا ۔دباغت : ببول کی پتی ڈال کر چمڑے کو پکاتے ہیں جس سے چمڑا پاک ہو جا تا ہے اسکو دباغت کہتے ہیں ۔حراسة : نگہبانی کرنا ۔اصطیاد : صید سے مشتق ہے شکار کر نا ۔رجس : ناپاک ۔کرامة : عزت ،احترام ۔النتن : بدبو ۔ فساد : بگڑنا اور خراب ہونا ۔تشمیسا : شمس سے مشتق ،دھوپ میں ڈالنا ۔تتریبا : تراب سے مشتق ہے مٹی میں ڈالنا ۔الذکاة : ذبح کرنا ۔رطوبة : چمڑے میں اور گوشت میں جو پانی ہو تا ہے اسکو رطوبت کہتے ہیں ۔ماکول : اکل سے مشتق ہے وہ جانور جسکا گوشت کھانا حلال ہے ۔
ترجمہ : (٥٢) مردار کا بال اور اس کی ہڈی پاک ہے۔
تشریح : مردار چاہے ماکول اللحم ہو چاہے غیر ماکول اللحم ہو اسکی وہ چیزیں جن میں خون یا رطوبت نہیں ہو تی وہ چیزیں بغیر دباغت دئے بھی پاک ہیں ۔جیسے بال ،سینگ ،ہڈی ،کھر وغیرہ ۔ البتہ ان پر رطوبت لگی ہوی ہو تو دھوئے بغیر استعمال نہ کرے کیونکہ وہ تو پاک ہیں لیکن ان پر لگی ہوئی رطوبت ناپاک ہے ۔
وجہ: (١)بال ، ہڈی ، کھر اور سینگ میں بہتا ہوا خوان نہیں ہوتا ہے اور نہ ناپاک رطوبت ہوتی ہے اس لئے مردار کی یہ چیزیں
