٥ وقولہ فی الکتاب جازالوضوء من الجانب الآخر اشارة الی انہ ینجس موضع الوقوع، و عن ابی یوسف انہ لا ینجس الا بظھور النجاسة فیہ کالماء الجاری
پانی پاک رہے گا۔ ان کی دلیل حدیث قلتین ہے جو مسئلہ نمبر ٤٤ میں گزر گئی ۔
ترجمہ: ٥ کتاب قدوری کا یہ جملہ کہ دوسری جانب سے وضو جائز ہے ۔اس بات کی طرف اشارہ ہے کہ نجاست گرنے کی جگہ ناپاک ہو گئی ۔لیکن امام ابویوسف سے روایت ہے کہ نجاست گرنے کی جگہ ناپاک نہیں ہوگی مگر اس میں ناپاکی کے ظاہر ہونے سے جیسا کہ بہتے پانی میں ناپاکی ظاہر ہو تو ناپاک ہو تا ہے ۔
تشریح: قدوری کے متن میں یہ کہا کہ جس کنارے میں ناپاکی گری ہے اسکی دوسری جانب وضو کرنا جائز ہے ۔اسکا مطلب یہ ہوا کہ جس کنارے پر ناپاکی گری ہے وہ کنارہ ناپاک ہو چکا ہے ،چاہے اس کنارے پر ناپاکی کا رنگ ظاہر نہ ہوا ہو ۔اسکی وجہ یہ ہے کہ ناپاکی وہاں گری ہے اسلئے وہ کنارہ ناپاک ہو گا چاہے ناپاکی کا رنگ نظر نہ آتا ہو ۔
اور امام ابو یوسف فرماتے ہیں کہ نجاست والا کنارہ اس وقت تک ناپاک شمار نہیں کیا جائے گا جب تک کہ اسکا اثر ظاہر نہ ہو جائے۔انکی دلیل یہ کہ حدیث میں ہے کہ ماء کثیر میں جب تک اوصاف ثلاثہ میں سے ایک نہ ظاہر ہو جائے پانی ناپاک نہیں ہو گا ۔یہ حدیث گزر چکی ہے عن ابی امامہ الباھلی قال قال رسول اللہ ۖ ان الماء لاینجسہ شیء الا ماغلب علی ریحہ وطعمہ ولونہ۔(ابن ماجہ شریف، باب الحیاض ،ص٧٤،نمبر ٥٢١ )اس حدیث میں ہے کہ جب تک نجاست کی وجہ سے رنگ ،یا بو ،یا مزہ نہ بدل جائے وہ جگہ ناپاک نہیں ہو گی ۔اسلئے نجاست گرا ہوا کنارہ بھی ناپاک نہیں ہو گا ۔جیسے جاری پانی میں اوصاف ثلاثہ میں سے کوئی ایک وصف نہ بدلے تو پانی ناپاک نہیں ہو گا ۔
حاصل: امام مالک :کے نزدیک تھوڑا پانی اور زیادہ پانی ایک ہی طرح ہیں ،یعنی دونوں کے اوصاف ثلاثہ میں سے ایک بدلے تب ناپاک ہو گا ورنہ نہیں ۔
امام شافعی :کے نزدیک دو مٹکے پانی ہو تو وہ کثیر ہے اور اس سے کم ہو تو وہ قلیل ہے ۔یعنی ایک قطرہ بھی ناپاکی گرنے سے ناپاک ہو جائے گا ۔
امام ابو حنیفہ :کے نزدیک بڑا تالاب ہو تو کثیر ہے اور اس سے کم ہو تو قلیل ہے ۔پھر بڑے تالاب کے متعین کرنے میں اختلاف ہے۔(١) کسی نے غسل کی حرکت نہ پہنچنے کو بڑا تالاب کہا ۔(٢) کسی نے وضو کی حرکت نہ پہنچنے کو ۔(٣) اور کسی نے ہاتھ کی حرکت پہنچنے کو چھوٹا تالاب کہا ۔(٤) اور کسی نے دس ہاتھ لمبے اور دس ہاتھ چوڑے کو بڑا تالاب کہا ۔
لغت : الغدیر : تالاب۔السرایة : سرایت کرنا ۔المساحة : پیمائش ،مسح سے مشتق ہے پونچھنا ۔ذراع الکرباس : پچھلے
