ماہنامہ انوار مدینہ لاہور اگست 2013 |
اكستان |
 |
نبی اَکرم ۖ کا ایک قیمتی پُر اَثر وعظ ( حضرت مولانا مفتی محمد سلمان صاحب منصور پوری،اِنڈیا ) سیّدناحضرت اَبو سعیدخدری رضی اللہ عنہ فرماتے ہیںکہ ایک مرتبہ عصر کے بعدنبی ٔ اکرم ۖ خطاب فرمانے کے لیے تشریف فرماہوئے اَورآپ نے اپنے خطاب میں قیامت تک پیش آنے والے کسی واقعہ کا ذکر بیان کرنے سے نہیں چھوڑا جس نے اُسے یادرکھا یادرکھا اَورجو بھول گیا بھول گیا اَور اُس وقت جو باتیں آپ نے اِرشادفرمائیں اُن میں یہ باتیںبھی تھیں : دُنیا اَور عورتوں کے فتنوں سے بچو : اِنَّ الدُّنْیَا حُلْوَة خَضِرَة وَاِنَّ اللّٰہَ مُسْتَخْلِفُکُمْ فِیْہَا فَنَاظِر کَیْفَ تَعْمَلُوْنَ اَلاَ ! فَاتَّقُوا الدُّنْیَا وَاتَّقُوا النِّسَائَ۔ یہ دُنیا میٹھی اَور سرسبز ہے اَور اللہ تعالیٰ نے تمہیں اِس میں نائب بنایا ہے پھر وہ تمہیں دیکھناچاہتا ہے کہ تم اِس دُنیا میں کیا کا م کرتے ہو،اِس لیے اچھی طرح سن لو کہ دُنیا اَور عورتو ں (کے فتنہ) سے بچو ۔ دُنیا کی چمک دمک، شان وشوکت پر فریفتگی، بدکار اَور فاحشہ عورتوں سے میل جول اِنسان کے دین کے لیے بدترین تباہ کن ہے حتی کہ دیکھا جائے تو عالم میں فتنہ وفساد کی ساری جڑیں ''زن اَور زَر'' پر ہی آکر ملتی ہیں، اِس لیے پیغمبر علیہ السلام کا یہ جامع اِرشاد عالی اِنتہائی اہمیت کا حامل ہے جسے ہر ہر قدم پر یاد رکھنے اَور اُس کے مطابق مذکورہ دونوں خطرناک چیزوں سے محتاط رہنے کی ضرورت ہے۔ اِسلام میں بد عہدی روا نہیں : وَذَکَرَ: اِنَّ لِکُلِّ غَادِرٍ لِوَائً یَوْمَ الْقِیَامَةِ بِقَدْرِ غَدْرَتِہ فِی الدُّنْیَا وَلَا غَدَرَ اَکْبَرُ مِنْ غَدْرِ اَمِیْرِ العَامَّةِ یُغْرَزُ لِوَائُہ عِنْدَ اِسْتِہ ۔