ماہنامہ انوار مدینہ لاہور اگست 2011 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٢٩ رجب المرجب ١٤٣٢ھ/٢جولائی٢٠١١ء کو جامعہ مدنیہ جدید میں وفاق المدارس کے سالانہ اِمتحانات نہایت خوش اسلوبی سے اَنجام پائے ،جامعہ کے 227 طلباء نے وفاق کا اِمتحان دیا،والحمد للہ۔ ٦ شعبان المعظم١٤٣٢ھ / ٩جولائی ٢٠١١ء بروز ہفتہ سے حسب ِسابق جامعہ مدنیہ جدید میں اُستاذ الحدیث حضرت مولانا محمدحسن صاحب نے دورۂ صرف ونحو کا آغاز کیا، ملک کے چاروں صوبوں سے آنے والے طلباء نے بڑی تعداد میں شرکت کی،٢٨جولائی کو دورہ کا اِختتام ہوا،اللہ تعالیٰ قبول فرمائے۔ ١٤ جولائی کو شیخ الحدیث حضرت مولانا سیّد محمود میاں صاحب قاری اَنور صاحب کی دعوت پر شیخوپورہ تشریف لے گئے جہاں آپ نے مسجد فاروق اعظم میں مقصد ِ اِنسانی کے موضوع پر تفصیلی بیان فرمایا۔ ١٧ جولائی کو شیخ الحدیث حضرت مولانا سیّد محمود میاں صاحب جامعہ کے فاضل مولانا عقیل صاحب کی دعوت پر مسجد کا سنگ بنیاد رکھنے کے لیے گاؤں سیدپور (قصور) تشریف لے گئے جہاں آپ نے ایک اِینٹ پر کچھ دُعائیہ کلمات پڑھ کر اپنے دست ِمبارک سے مسجد کی بنیاد میں اِینٹ رکھ کر دُعا فرمائی۔مولانا عقیل صاحب کی خواہش پر حضرت صاحب نے قرآن کریم کی عظمت کے بارے میں بیان فرمایا، بعد اَزاں جامعہ کے طالب علم محمد فہیم کے والد صاحب کے اِصرار پر چند منٹ کے لیے مدرسہ تعلیم القرآن تشریف لے گئے۔ ١٦ شعبان المعظم١٤٣٢ھ / ١٩جولائی ٢٠١١ء کوشیخ الحدیث حضرت مولانا سیّد محمود میاں صاحب عمرہ کی سعادت حاصل کرنے کے لیے تشریف لے گئے اَور ٣اگست ٢٠١١ء کو واپسی ہوگی،اِنشاء اللہ۔ اللہ تعالیٰ حضرت مولانا کے اِس سفر کو اپنی بار گاہ میں قبول فرمائے،آمین۔