ماہنامہ انوار مدینہ لاہور اگست 2011 |
اكستان |
|
کی ہوگی۔ بہرحال اِس سے اُنہیں رُجوع کرنا لازم ہے اگرچہ وہ غیر متشدد غیر مقلد ہیں مگر میری مذکورہ بالا تشریح پر غور کرنا چاہیے۔ واللّٰہُ یَھْدِیْ مَنْ یَّشَائُ اِلٰی صِرَاطٍ مُّسْتَقِیْمٍ ۔ حامد میاں غفرلہ ١٦ رمضان ١٤٠٧ھ / ١٤ مئی ١٩٨٧ء پنجشنبہ جامعہ مدنیہ کریم پارک لاہور ٢ وفیات تاخیر سے موصو لہ خبر کے مطابق جمعیت علمائے اِسلام کے مرکزی سینئر نائب اَمیر حضرت مولانا محمد مراد صاحب ہالیجی ١٦مئی کو سکھر میں اِنتقال فرما گئے آپ نے ٤٤ سال جامعہ حمادیہ منزل گاہ سکھرمیں تدریسی خدمات اَنجام دیں۔ آپ کی وفات سے اہلِ علم ایک عالم باعمل اَورمدبر سیاست دان سے محروم ہوگئے۔ اللہ تعالیٰ آپ کی مغفرت فرماکر اپنے جوار ِ رحمت میں جگہ عطاء فرمائے،آمین۔ کشمیر پارک شاہدرہ کے ماسڑ مغفور صاحب بھی گذشتہ ماہ وفات پا گئے۔آپ بڑے حضرت کے محبین و متعلقین میں سے تھے اَور اَکابر دیوبند اَور اُن کے مسلک سے والہانہ تعلق رکھتے تھے ۔ اللہ تعالیٰ آپ کی مغفرت فرما ئے اَور آپ کے پسماندگان کو صبر جمیل کی توفیق عطا فرمائے،آمین۔ جامعہ مدنیہ جدید کے شعبہ حفظ کے اُستاذ قاری خبیب صاحب کا سات سالہ بھتیجا وفات پا گیا، اللہ تعالیٰ اُس کو والدین کے لیے ذخیرہ آخرت بنائے اَور لواحقین کو صبر جمیل کی توفیق عطاء فرمائے۔ اِنَّا لِلّٰہِ وَاِنَّا اِلَیْہِ رَاجِعُوْنَ جامعہ مدنیہ جدید اَور خانقاہ ِ حامدیہ میں جملہ مرحومین کے لیے اِیصالِ ثواب کرایا گیا اللہ تعالیٰ قبول فرمائے ، آمین۔