ماہنامہ انوار مدینہ لاہور اگست 2011 |
اكستان |
|
مسئلہ : مسجد میں دستکاری کرنا بھی ناجائز ہے مثلاً کپڑا سینا ، ٹوپی وغیرہ بننا، زیور کا جڑنا وغیرہ، غرض ہر قسم کی دستکاری مسجد میں ممنوع ہے یہاں تک کہ حدیث، تفسیر اَور فقہ کے مسائل بھی اُجرت پر لکھنا مسجد میں ناجائزہے۔ مسئلہ : بچوں کو قرآن شریف وغیرہ اُجرت لے کر مسجد میں پڑھانا ناجائز ہے جبکہ جگہ کی مجبوری نہ ہو۔ مسئلہ : اَلبتہ اگر کوئی شخص مسجد میں بیٹھ کر دستکاری کرتا ہے کہ مسجدکی حفاظت کرے اَور مسجد کی حفاظت کی اِس کے علاوہ صورت نہ ہو تو پھر مضائقہ نہیں۔ مسئلہ : مسجد میںعقد ِنکاح مستحب ہے اَور نکاح کے بعد چھوارے اُچھالے نہ جائیں بلکہ لوگوں کے سامنے رکھ دیے جائیں۔ مسئلہ : کسی مصیبت کی وجہ سے مسجد میں بیٹھنا مکروہ ہے مثلاً اپنے کسی عزیز کے مرنے پر مسجد میں جاکر بیٹھنا تاکہ لوگ تعزیت کے لیے آئیں تو یہ مکروہ ہے اَلبتہ مسجد میں نماز کے لیے گیا اَور وہاں کسی نے تعزیت کر لی تو مضائقہ نہیں۔ مسئلہ : مسجد میں سوال کرنا مطلقًا منع ہے اَور کسی کے سوال پر اُس کو دینا بعض کے نزدیک علی الاطلاق ناجائز ہے جبکہ بعض کے نزدیک اُس وقت ناجائز ہے جب سوال کرنے والا نمازیوں کی گردنیں پھلانگتا ہو اَور اِیذا پہنچاتا ہو یاشور کرتا ہو۔ مسئلہ : مسجد میں ٹہلنااَور ورزِش کرنا جائز نہیں۔ مسئلہ : مسجدمیں گمشدہ چیز کے لیے اعلان کرنا ناجائز ہے اَلبتہ اَگر مسجد ہی میں کوئی چیز گم ہوگئی ہو تو اُس کو وہاں کے لوگوں سے دریافت کر سکتا ہے۔ مسئلہ : گمشدہ بچے کا مسجد سے اعلان کرنے کی اِنسانی مجبوری کی وجہ سے گنجائش ہے لیکن اِس کے لیے بہتر ہے کہ علاقے والے چندہ کر کے ایک لاؤڈ سپیکر شرعی مسجد کی حدود سے باہر لگالیں اَور اُس میں ایسا اعلان کریں۔ مسئلہ : مسجد کے صحن میں چار پائی بچھانا فی نفسہ جائز ہے اگر پاک ہو مگر چونکہ عرف ورِواج میں یہ