ماہنامہ انوار مدینہ لاہور ستمبر 2010 |
اكستان |
 |
حضرت ِاقدس پیر و مرشد مولانا سید حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے۔ اللہ تعالیٰ حضرت اقدس کے اِس فیض کو تا قیا مت جاری و مقبول فرمائے۔ (آمین)
وحی نے حضرت زید رضی اللہ عنہ کو سچا اَور منافقین کو جھوٹا قرار دیا
شہداء میں زیادہ تعداد اَنصار کی ہے ۔ اَنصار کی تین نسلوں کے لیے دُعائ
( تخریج و تزئین : مولانا سیّد محمود میاں صاحب )
(کیسٹ نمبر 62 سا ئیڈB 17 - 10 - 1986 )
الحمد للّٰہ رب العالمین والصلٰوة والسلام علٰی خیر خلقہ سیدنا ومولانا محمد وآلہ واصحابہ اجمعین امابعد !
حضرتِ آقائے نامدار ۖ کے صحابی ہیں حضرت زید ابن ِ اَرقم اَنصاری یہ کہتے ہیں کہ اَنصار نے ایک دفعہ عرض کیا کہ اے اللہ کے سچّے نبی لِکُلِّ نَبِیِّ اَتْبَاع ہر نبی کے ساتھ رہنے والے پیچھے چلنے والے ہوتے ہیں وَاِنَّا قَدِ اتَّبَعْنَاکَ اَور ہم نے جناب کی پیروی کی ہیفَادْعُ اللّٰہَ اَنْ یَّجْعَلَ اَتْبَاعَنَا مِنَّا ١ دُعاء یہ فرمائیے ہمارے لیے کہ اللہ تعالیٰ ہمارے جو آگے آنے والے ہمارے پیروکار ہیں اُن کو ہم میں کرے یعنی وہ اِسی راستے پر چلیں رسولِ کریم علیہ الصلٰوة والتسلیم نے اُن کی یہ بات سن کر واقعی دُعاء فرمادی۔
بخاری شریف میں ایک واقعہ آتا ہے اُس میں بھی یہی زید ابن ِ اَرقم ہیں رضی اللہ عنہ اَور یہ واقعہ آتا ہے سورۂ المنافقون کی تفسیر میں، اِن کا یہ قصّہ ہوا تھا کہ یہ عبد اللہ بن اُبی(رئیس المنافقین)تھا (غزوۂ تبوک یا غزوہ ٔبنی مصطلق کے موقع پر)اِس نے یہ جملے کہے تھے لَئِنْ رَّجَعْنَا اِلَی الْمَدِیْنَةِ اگر ہم مدینہ شریف لوٹ
١ مشکوة شریف ص ٥٨١