ماہنامہ انوار مدینہ لاہور ستمبر 2010 |
اكستان |
|
علمی مضامین سلسلہ نمبر٤٠ ''الحامد ٹرسٹ''نزد جامعہ مدنیہ جدید رائیونڈ روڈ لاہورکی جانب سے شیخ المشائخ محدثِ کبیر حضرت اقدس مولانا سیّد حامد میاں صاحب رحمة اللہ علیہ کے بعض اہم خطوط اور مضامین کو سلسلہ وار شائع کرنے کا اہتمام کیا گیا ہے جو تاحال طبع نہیں ہوسکے جبکہ ان کی نوع بنوع خصوصیات اس بات کی متقاضی ہیں کہ افادۂ عام کی خاطر اِن کو شائع کردیا جائے۔ اسی سلسلہ میں بعض وہ مضامین بھی شائع کیے جائیں گے جو بعض جرا ئد و اخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ) شہد کے فوائد اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِ الْمُرْسَلِیْنَ وَخَاتَمِ النَّبِیِّیْنَ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ ۔ جناب رسالت مآب ۖ کی غذا مبارک بہت سادہ ہوتی تھی کہ آپ کے لیے کبھی پراٹھا نہیں پکایا گیا لیکن جو چیزیں مرغوب تھیں اَور جس مقدار میں آپ استعمال فرماتے تھے اُن کے منافع اِس قدر زیادہ ہیں کہ وہ حیات، صحت وقُوائے حیوانیہ کے لیے اِس درجہ نفع بخش ہیں کہ اگر اِنسان اُن پر عمل کرتا رہے تو آخر وقت تک جہاد کے قابل رہ سکتا ہے۔ اُس زمانہ میں جو طبیب اُس علاقہ کو پسماندہ سمجھ کر آئے اُنہوں نے دیکھا کہ یہاں کوئی (سوائے موسمی عوارض کے) بیمار ہی نہیں ہوتا۔ آنحضرت ۖ کی اَشیاء ِمرغوبہ میں شہد بھی ہے جو عجائبات ِقدرت میں ہے۔ حق تعالیٰ نے اِرشاد فرمایا ہے : وَاَوْحٰی رَبُّکَ اِلَی النَّحْلِ اَنِ اتَّخِذِیْ مِنَ الْجِبَالِ بُیُوْتًا وَّمِنَ الشَّجَرِ وَمِمَّا یْعَرِشُوْنَ o ثُمَّ کُلِیْ مِنْ کُلِّ الثَّمَرَاتِ فَاسْلُکِیْ سُبُلَ رَبِّکِ ذُلُلاً ط یَخْرُجُ مِنْ بُطُوْنِھَا شَرَاب مُّخْتَلِف اَلْوَانُہ فِیْہِ شِفَائ لِّلنَّاسِ ط اِنَّ فِیْ ذٰلِکَ لَاٰیَةً لِّقَوْمٍ یَّتَفَکَّرُوْنَ ۔ (پ ١٤رکوع١٤) نوٹ : حضرت اَقدس کی یہ تحریر حکیم صاحب مرحوم کی کتاب پر تقریظ ہے۔