ماہنامہ انوار مدینہ لاہور جولائی 2009 |
اكستان |
 |
جَسَدِکَ وَقُلْ بِسْمِ اللّٰہِ ثَلٰثًا ، وَقُلْ سَبْعَ مَرَّاتٍ اَعُوْذُ بِعِزَّةِ اللّٰہِ وَقُدْرَتِہ مِنْ شَرِّ مَا اَجِدُ وَاُحَاذِرُ ، قَالَ فَفَعَلْتُ فَاَذْھَبَ اللّٰہُ مَاکَانَ بِیْ ۔ (مسلم بحوالہ مشکٰوة ص ١٣٤) حضرت عثمان بن ابی العاص رضی للہ عنہ سے روایت ہے کہ اُنہوں نے (ایک دفعہ ) رسول ِ اکرم ۖ سے درد کی شکایت کی جسے وہ اپنے بدن کے کسی حصے میں محسوس کر رہے تھے، رسول اکرم ۖ نے اُن سے فرمایا : تمہارے بدن کے جس حصے میں درد ہے وہاں اپنا ہاتھ رکھ کر پہلے تین مرتبہ بسم اللہ پڑھو پھر سات مرتبہ یہ دُعا پڑھو اَعُوْذُ بِعِزَّةِ اللّٰہِ وَقُدْرَتِہ مِنْ شَرِّ مَا اَجِدُ وَاُحَاذِرُ (میں اللہ سے اُس کی عزت اور اُس کی قدرت کے ذریعہ اِس برائی (یعنی درد ) سے پناہ مانگتاہوں جسے میں اِس وقت محسوس کر رہا ہوں) اَور (آیندہ اِس کی زیادتی سے ) ڈرتا ہوں۔ حضرت عثمان فرماتے ہیں میں نے ایسے ہی کیا تو اللہ تعالیٰ نے میری تکلیف دُور فرمادی۔ ٍُبیمار کی عیادت کے وقت ایک دُعاء : عَنِ ابْنِ عَبَّاسٍ قَالَ قَالَ رَسُوْلُ اللّٰہِ ۖ مَا مِنْ مُسْلِمٍ یَعُوْدُ مُسْلِمًا فَیَقُوْلُ سَبْعَ مَرَّاتٍ اَسْأَلُ اللّٰہَ الْعَظِیْمَ رَبَّ الْعَرْشِ الْعَظِیْمِ اَنْ یَّشْفِیَکَ اِلَّا شُفِیَ اِلَّا اَنْ یَّکُوْنَ قَدْ حَضَرَ اَجَلُہ ۔ (ابوداود ، ترمذی بحوالہ مشکٰوة ص ١٣٥) حضرت عبداللہ بن عباس رضی اللہ عنہما فرماتے ہیں کہ رسول ِ اکرم ۖ نے فرمایا : جب کوئی مسلمان کسی (بیمار) مسلمان کی عیادت کرتا ہے اور سات مرتبہ یہ دُعاء پڑھ کر دم کرتا ہے اَسْأَلُ اللّٰہَ الْعَظِیْمَ رَبَّ الْعَرْشِ الْعَظِیْمِ اَنْ یَّشْفِیَکَ یعنی میں اللہ بزرگ و برتر سے جو عرشِ عظیم کا مالک ہے دُعاء کرتا ہوں کہ وہ تمہیں شفاء دے تواُسے شفا ہوجاتی ہے اِلَّایہ کہ اُس کا وقت ہی آگیا ہو۔