ماہنامہ انوار مدینہ لاہور جون2009 |
اكستان |
|
کے گروہ فعال ہیں۔ کسی واردات کو نفاذ ِ اسلام کی کوشش، امریکہ کے خلاف نفرت، خالص مزاحمت، فضل اللہ کی کارروائی، کسی مافیا کا اقدام، یا پاکستان دُشمنوں کی کارستانی قرار دینے سے پہلے ہزار بار سوچنا ہوگا۔ میڈیا پر لازم ہے کہ وہ اعتدال اور توازن کا دامن نہ چھوڑے۔ خبر ضرور دے یہ اُس کا بنیادی وظیفہ ہے۔ خبر لے بھی کہ یہ اُس کے پیشہ وارانہ فرائض کا تقاضا ہے لیکن اپنے وقار اور اعتبار کو مجروح نہ ہونے دے۔ اُس مقام کو نہ گنوائے جو اُس نے پاکستانی عوام کی آنکھوں میں پایا ہے۔ کسی واقعے کی من مانی تعبیر کر کے ایک نتیجہ اَخذ کر لینا اور پھر فکر ِبیمار کے حامل مذہب بیزار لوگوں کو پہروں زہر افشانی کا موقع دینا، خود میڈیا کی اپنی ساکھ کے لیے اَز حد مضر ہے۔ اُسے اندازہ ہونا چاہیے کہ وہ بری طرح ڈگمگایا ہے اور مشتعل ہو کر اُس نے توازن و اعتدال کے اُس سنہری اُصول کو پامال کیا ہے جو ذمہ دار میڈیا کی عصمت کا درجہ رکھتا ہے۔ سوات ویڈیوکا کچا چٹھا تو عدالت عظمیٰ میں کھل جائے گا لیکن ایک بڑی لغزش پر خود احتسابی کا اہتمام میڈیا کو آپ کرنا ہوگا۔ ........ اور جلد کرنا ہوگا۔ بقیہ : تربیت ِاولاد اور اگر بچہ بڑا ہو کرمر جائے تو حضرت خضر علیہ السلام کا واقعہ یاد کر کے دل کو سمجھا لو نہ معلوم اِس میں کیا حکمت ہوگی۔شاید اگر یہ زندہ رہتا تو دین کو بگاڑ لیتا یا دُنیا میں وبال ِ جان ہوتا۔ اِس کے بعد اَحادیث میں مصائب وحوادث کی جو تفصیل حکمتیں مذکور ہیں نیز اُن پر جو ثواب بتلایا گیا ہے اُن کو پیش ِ نظر رکھیںاِنشاء اللہ غم بہت کم ہوجائے گا۔ بس حاصل یہ ہے کہ جس کو اللہ تعالیٰ اَولاددیں اُس کے لیے یہی اچھا ہے اور جس کو نہ دیں اُس کے لیے یہی اچھا ہے اَور اگر کسی کے بالکل ہی اَولاد نہ ہو تو یہ سمجھے کہ میرے لیے اِسی میں حکمت ہے، نہ معلوم اَولاد ہوتی تو کن کن مصیبتوں کا سامنا ہوتا۔اور جس کو اللہ تعالیٰ اَولاد دے کر چھین لیں اُس کے لیے اِس میں مصلحت ہے لِلّٰہِ مَا اَخَذَ وَمَا اَعْطٰی کا یہی مطلب ہے جو حدیث میں مصیبتوں کی تسلی کے لیے آیا ہے۔ اور یہی مطلب ہے اِنَّا لِلّٰہِ کا اور اس میں (مذکورہ تد بیر) واعتقاد کو صبر کے پیدا کرنے میں بڑا دخل ہے۔ اِنَّا لِلّٰہِ کے مضمون کو صبر حاصل کرنے میں بہت بڑا دخل ہے یہی وہ مضمون ہے کہ جس کی وجہ سے حضرت اُم سلیم صحابیہ نے کامل صبر فرمایا اور اپنے شوہر کو بھی صابر بنایا۔ ( الاجر النبیل ملحقہ فضائل صبر وشکر)۔(جاری ہے)