ماہنامہ انوار مدینہ لاہور جون2009 |
اكستان |
 |
گوجرانوالہ میں مسجد نور اور مدرسہ نصرت العلوم کی بنیاد رکھی ۔ حضرت شیخ نے ١٩٥٤ء میں مدرسہ نصرت العلوم میں تدریس کا آغاز کر دیا۔چند سال کچھ چھوٹی کتابیں پڑھائیںپھر تقریباََ پچاس سال تک بخاری، ترمذی اور تفسیر کے اسباق پڑھاتے رہے۔ اِس مدرسہ سے فراغت حاصل کرنے والے ہزاروں علماء آپ کے شاگرد ہیںاور ان کی علمی خدمات آپ کیلئے ذریعہ نجات ہیں۔ فِرَقِ باطلہ کے خلاف علمی جہاد : شیخ العرب والعجم حضرت مولانا سیّد حسین احمد مدنی نے آپ کو'' صفدر'' کا تخلص عطا کیاتھا۔اسی کی برکت سے آپ دیگر علمی و رُوحانی خدمات کے ساتھ ساتھ ہر نئے فتنے کے خلاف سینہ سپر ہو جاتے اور اُن کے وساوس و مکائد کا علمی رنگ میں جواب تحریر فرماتے۔لیکن آپ کی تحریر کی بڑی خصوصیت یہ تھی کہ اُس میں سنجیدگی اور متانت کا خیال رکھا جاتا تھا۔ آپ کی کتابیں پڑھ کر مخالف چڑتا نہیں تھا بلکہ دلائل پر غور کرنے پر مجبور ہو جاتا۔اہلِ سنّت والجماعت کے خلاف جو بھی فتنہ اُٹھا آپ نے اُن کے دلائل کا کافی و شافی جواب تحریر کیا جس سے اپنے لوگ اِس فتنہ سے محفوظ ہو جاتے اور کچھ مخلص لوگ آپ کے دلائل پڑھ کر اپنے عقائد سے تائب ہو کر اہلِ سنّت والجماعت کے عقائد کو اپنا لیتے۔اِس سلسلہ میں آپ نے پچاس سے زائد کتب تحریر کیں جن میں سے چند ایک کا ذکر کیا جاتا ہے : (١) راہِ سنّت (٢) تبرید النّواظر (٣)ازالةالریب (٤) مسئلہ علمِ غیب و حاظر و ناظر (٥) درود شریف پڑھنے کا شرعی طریقہ۔ یہ پانچوں کتابیں اہلِ بدعت رضاخانیوں کے غلط نظریات و عقائد کی اصلاح کیلئے تحریر کی گئی ہیں۔ (٦) ''عباراتِ اکابر'' یہ کتاب بھی بریلوی حضرات کے اکابرین اہلِ سنّت والجماعت کی صحیح عبارات پر بے جا اعتراضات کا مدلل جواب ہے۔ اِس کو پڑھنے کے بعد اکابرین ِاہلِ سنّت والجماعت سے محبت و عقیدت میں اضافہ ہوتا ہے اور اُن کے بے جا ناقدین کی ہدایت کیلئے دل سے دُعا نکلتی ہے۔ (٧) ''اِرشاد الشیعہ'' یہ کتاب شیعہ حضرات کے صحابہ کرام اور اہلِ سنّت والجماعت پر اعتراضات کا شافی جواب ہے۔اگر کوئی شیعہ اس کتاب کا دیانتداری سے مطالعہ کرے تو اِنشاء اﷲ راہِ ہدایت پا جائے گا۔ (٨)''ختم نبوت قرآن و سنّت کی روشنی میں''اِس کتاب میں قادیانیوں کے وساوس و مکائد کا جواب دے کر