ماہنامہ انوار مدینہ لاہور جون2009 |
اكستان |
 |
ملفوظات شیخ الاسلام حضرت مولانا سیّد حسین احمد مدنی ( مرتب : حضرت مولانا ابوالحسن صاحب بارہ بنکوی ) ٭ سورۂ قریش پڑھنے اَور مداومت کرنے سے اُمید قوی ہے کہ فقر و فاقہ اَور دُشمنوں کی ایذاء رسانی میں کمی ہوگی اَور تحفظ ہوتا رہے گا۔ ٭ رات کو سوتے وقت آیت الکرسی اَور چاروں قل سے بدخوابی اَور شیاطین و خبائث کی تاثیرات دُور ہوتی ہیں اَور انسان محفوظ ہوتا ہے۔ ٭ سورۂ ناس پر مداومت کرنے سے نماز اَور دُوسری عبادتوں میں خطرات اَور بُرے خیالات وغیرہ سے تحفظ ہوگا۔ ٭ اللہ تعالیٰ خلوص اَور عزمِ قلبی کی دُعائیں ضرور قبول فرماتا ہے یہ اُس کا وعدہ ہے۔ وہ کریم و کارساز اپنے فضل و کرم سے اپنے وعدوں کو پورا کرتا ہے۔ ٭ دیہات اَور قصبات کی عورتیں شرمیلی، کم گو، معمولی خوراک و پوشاک پہ قناعت کرنے والی، شوہر کی تابعدار، وفادار جان نثار ہوتی ہیں۔ تنگی اَور عسرت میں بھی صابر اَور شاکر رہتی ہیں۔ طلاق کا طلب کرنا، شوہر کو جواب دینا، مقابلہ پر اُترآنا اُن میں نہیں ہوتا اَور اگر ہوتا ہے تو بہ نسبت شہری عورتوں کے بہت ہی کم ہوتا ہے عمومًا عفیف ہوتی ہیں۔ ٭ جس طرح ایک انجینئر کے لیے ضروری ہے کہ مکان کی تعمیر سے پہلے اپنے ذہن میں سوچ لے کہ اِس قطعۂ زمین میں اس کے مناسب جملہ ضروریات کس مناسبت سے تعمیر ہوں گی اِسی طرح خالق ِ زمین و زماں نے اپنے علم ِاَزلی میں مستقبل کے لیے ایک علمی نقشہ تیار فرمایا اَور پھر اُس کا نقشہ تحریری مرتب کیا جس کو لوحِ محفوظ میں پوری طرح مندرج کردیا جس طرح انجینئروں کا نقشہ مکمل وہی شمار ہوتا ہے جوکہ عمارت کی ہر چھوٹی بڑی چیز کو حاوی ہو اِسی طرح خداوندی نقشہ میں کوئی چیز چھوڑی نہیں گئی وَلَارَطْبٍ وَّلَایَابِسٍ اِلَّا فِی