ماہنامہ انوار مدینہ لاہور نومبر 2007 |
اكستان |
|
لیے پشاور روانہ ہوگئے۔پشاور میں جناب ڈاکٹر اَرشد تقویم صاحب سے ملاقات کی غرض سے اُ ن کے گھر تشریف لے گئے، ڈاکٹر صاحب کے اِصرار پر حضرت نے اُن کی رہائش گاہ پر رات کا کھانا تناول فرمایا۔ بعد اَز نمازفجر حضرت مسجد تکبیر کے خطیب مفتی ذاکر حسن صاحب کے ساتھ حضرت مولانا حسن جان صاحب شہید کی تعزیت کے لیے اُن کے بیٹے مولانا عزیز الحسن صاحب کے گھر تشریف لے گئے۔حضرت نے اُن کے دونوں بیٹوں مولانا عزیز الحسن و مولانا فیض الحسن صاحبان سے اِظہارِ تعزیت کی۔ بعد ازاں اُن کے بیٹوں کے اِصرار پر حضرت نے ناشتہ تناول فرمایا۔ رات 11:00بجے بخیریت لاہور واپسی ہوئی، والحمد للہ۔ ٩ شوال المکرم /٢٢ اکتوبر سے جامعہ مدنیہ جدید میں درسِ نظامی کے داخلے شروع ہوگئے۔ ١٤ شوال المکرم/ ٢٧ اکتوبر سے جامعہ مدنیہ جدید میں دورۂ حدیث شریف سمیت تمام اَسباق شروع ہوگئے، والحمد للہ۔ ٢٧اکتوبر کو ساندہ میںمولانا ذکاء الرحمن صاحب کے مدرسہ حسن میں بعد عشاء حضرت مولانا سید محمود میاں صاحب کا اصلاحی بیان ہوا۔ اِسی شب جناب قاضی حبیب الدین صاحب کی صاحبزادی کے نکاح میں شرکت کی اور اُن کے اصرار پر نکاح پڑھایا۔ ٢٨ اکتوبر کو محترم الحاج عبد الرحمن صاحب باوا انگلینڈ سے تشریف لائے ، جناب عبد اللطیف خالد چیمہ صاحب چیچہ وطنی والے بھی ہمراہ تھے۔حضرت مہتمم صاحب سے ملاقات کی ۔ اِسی دن پروفیسر میاں محمد افضل صاحب بھی ساہیوال سے تشریف لائے، مولانا امین صاحب اوکاڑوی کے صاحبزادے محمد عثمان صاحب و دیگر رُفقاء بھی اُن کے ہمراہ تھے۔ حضرت مہتمم صاحب سے ملاقات کی او ر مختلف موضوعات پر گفتگو ہوئی۔ اِسی روز بعد اَز نمازِ مغرب حضرت مولانا سید محمود میاں صاحب نے جامعہ مدنیہ جدید میں نئے تعلیمی سال کے آغاز پر طلباء سے اِفتتاحی بیان فرمایا۔