ماہنامہ انوار مدینہ لاہور نومبر 2007 |
اكستان |
 |
وفیات حضرت مولانا سید محمد امین شاہ صاحب ١٣ شوال /٢٦ اکتوبر کومخدوم پورضلع خانیوال میں ١٠٦ سال کی عمرپاکر رحلت فرما گئے۔اِنَّا لِلّٰہِ وَاِنَّا اِلَیْہِ رَاجِعُوْنَ ۔حضرت فاضل دیوبند اور حضرت مولانا پیر جی سید خورشید صاحب کے خلیفہ مجاز تھے۔اللہ تعالیٰ حضرت کی برکات کے سلسلہ کو برقرار فرمائے اور اُن کے جاری کردہ فیض کو اُن کے لیے صدقۂ جاریہ بنائے نیزاُن کے پسماندگان کو صبر جمیل عطا ہو، اہل ادارہ اُن کے غم میں برابر کے شریک ہیں۔ حضرت سید نفیس شاہ صاحب مدظلہم کے چھوٹے بھائی اوربرادران خلیل الرحمن صاحب و جلیل الرحمن صاحب کے والد صاحب ٣ شوال/١٦ اکتوبر کو ضیق النفس کے مرض کی وجہ سے وفات پاگئے۔اہل ِادارہ اِس موقع پر پسماندگان کے غم میں برابر کے شریک ہیں، اللہ تعالیٰ مرحوم کی مغفرت فرماکر جنت الفردوس میں جگہ اور پسماندگان کو صبر جمیل عطاء فرمائے۔ ١٩ اکتوبر کو جامعہ کے محب و مخلص بڑے حضرت کے مرید خاص جناب حامد خان صاحب طویل علالت کے بعد ڈیرہ اسماعیل خان میں وفات پاگئے۔مرحوم بہت شریف الطبع اور بے ضر انسان تھے۔اللہ تعالیٰ مرحوم کی مغفرت فرماکر جنت الفردوس میں جگہ عطاء فرمائے، ان کے صاحبزادگان احسان دانش و سمیع اللہ صاحبان و دیگر پسماندگان کو صبر جمیل کی توفیق عطاء فرمائے، آمین۔ بانی ٔجامعہ حضرت اقدس کے خادم اور مرید عبد الرزاق صاحب طویل علالت کے بعد ماہ صیام کی ٢٠ تاریخ کو دُلّے والاضلع بھکر میں وفات پاگئے ۔مرحوم علماء دوست اور نیک سیرت انسان تھے۔ اللہ تعالیٰ اپنے جوارِ رحمت میں جگہ عطاء فرمائے۔ ٢١ اگست کو جناب محمد زاہد سعید ملک صاحب اسلام آباد میں انتقال فرما گئے ۔جامعہ مدنیہ لاہور کے چوکیدار محمد سلیم کے والد صاحب بھی گذشتہ ماہ انتقال کر گئے۔ اِنَّا لِلّٰہِ وَاِنَّا اِلَیْہِ رَاجِعُوْنَ جامعہ مدنیہ جدید اور خانقاہِ حامدیہ میں جملہ مرحومین کے لیے ایصال ِ ثواب کرایا گیا اللہ تعالیٰ قبول فرمائے، آمین۔