ماہنامہ انوار مدینہ لاہور جون 2007 |
اكستان |
نام کتاب : تیسیر الوصول (عربی) ترتیب : حافظ نثار احمد الحسینی صفحات : ٢٤ ناشر : مدرسہ عربیہ حنفیہ تعلیم الاسلام ،حضرو ضلع اٹک زیر تبصرہ رسالہ میں مؤلف موصوف نے عربی زبان میں اِنتہائی آسان انداز میں فقہ حنفی کے اُصول کو بیان کیا ہے۔ مدارس ِعربیہ کے طلباء کیلئے یہ ایک عمدہ کاوش ہے۔ طلباء کو اِس سے ضرور استفادہ کرنا چاہیے۔ نام کتاب : زُبدةالبیان فی تفسیر القرآن تصنف : مولانا محمد اسحٰق خان صاحب مدنی صفحات : ٨٥٢ ناشر : دارُلعلوم الاسلامیہ پلندری آزاد کشمیر قیمت : درج نہیں حضرت مولانا محمد اسحٰق صاحب مدنی زید مجدھم جامعةالعلوم الاسلامیہ ،بنوری ٹاؤن کے قدیم فضلاء میں سے ہیں اور ایک طویل عرصہ سے دبئی میں دینی خدمات انجام دے رہے ہیں ،آپ کو قرآن کریم کے درس وتدریس اور اس کی تفہیم وتشریح سے خاص شغف ہے آپ کی زندگی کا بیشتر حصے قرآن کریم کے مطالفہ اور اخذ مطالعہ میں گذراہے۔پیش نظر تفسیر ''زبدة البیان فی تفسیر القرآ ن ''المعروف تفسیر المدنی الصغیر ،مولانا موصوف کی تفسیری کا وشوں کا نچوڑ ہے ،مولانا نے اُردو زبان میں تفسیر لکھنی شروع کی تو وہ خاصی طویل ہو گئی ،آپ نے اسے دوحصوں میں منقسم کردیا ایک مختصر تفسیر اور ایک مفصل تفسیر۔ ''زبدة البیان ''مولانا موصوف کی مختصر تفسیر ہے جو ایک ہی جلد میں قرآن کریم کے متن وترجمعہ کے ساتھ حاشیہ پردی گئی ہے ۔ترجمعہ سلیس اور بامحاورہ ہے اور مختصر تفسیر انتہائی آسان انداز میں کی گئی ہے ۔کتابت وطباعت کا معیار بہت عمدہ ہے جلد بھی انتہائی نفیس بنائی گئی ہے ۔