ماہنامہ انوار مدینہ لاہور جون 2007 |
اكستان |
 |
عالمی خبریں اسلامی بنیاد پرستی کا ڈھنڈورہ پیٹنے والے بش خود کٹر عیسائی ہیں : نیوز ویک بش کہتے ہیں وہ اپنے والد کی بجائے آسمانی باپ سے مشورہ کرنا زیادہ پسند کرتے ہیں لاہور (انٹرنیشنل ڈیسک) اسلامی شعائر پر عمل کرنے والے مسلمانوں کو بنیاد پرست اور انتہا پسند کے اَلقاب دینے والے صدر بش خود اپنے مذہب کے معاملے میں انتہائی کٹر ہیں۔ بین الاقوامی جریدے ''نیوزویک'' کی ایک رپورٹ میں کہا گیا ہے کہ کئی لوگوں کا خیال ہے کہ صدر بش صلیبی جنگجو ہیں جنہوں نے نائن الیون کے بعد صلیبی جنگ کا اعلان کیا تھا وہ اپنے بیانات میں بھی اکثر لفظ ''بدی'' استعمال کرتے ہیں۔ بش کا کہنا ہے کہ وہ اپنے فیصلوں میں اپنے باپ بش سینئر کی بجائے (عیسائی عقیدے کے مطابق) آسمانی باپ سے مشورہ کرنا پسند کرتے ہیں۔ رپورٹ میں کہا گیا ہے کہ صرف بش نہیں بلکہ ماضی کے کئی امریکی صدر بھی اپنے مذہبی عقائد میں کافی کٹر تھے پہلے صدر ابراہام لنکن کے بارے میں کہا جاتا ہے کہ وہ اکثر گھٹنوں کے بل جھک کر دُعا کیا کرتے تھے۔ یہی حال ریگن اور بش کا ہے۔ بعض صدور نے اِس حوالے سے اپنی شخصیت کو سامنے نہیں آنے دیا تاہم پس ِپردہ وہ بھی انتہائی مذہبی نوعیت کے لوگ تھے۔ سابق صدر روزویلٹ ویتنام جنگ کے دوران راتوں کو جاگ کر دُعائیں مانگاکرتے تھے۔ اکثر سربراہان ِامریکہ بائبل پڑھنے کو ایک ضروری فریضہ تصور کرتے تھے۔ ( روز نامہ نوائے وقت 3 مئی 2007ء ) 12 سالہ بھارتی بچہ سانپ، بچھو سمیت زہریلے کیڑے کھانے کا شوقین لاہور (نیوز ڈیسک) ایک بارہ سالہ بھارتی بچہ سانپ، مینڈک، چھپکلی اور بچھو سمیت دُوسرے زہریلے کیڑے کھانے کا شوقین ہے۔ جھاڑ کھنڈ کے ضلع راغی سے 190کلو میٹر دُور ڈیہہ کے رہنے والے پنکج سنگھ کو اُس کے گھروالوں نے زنجیروں میں جکڑدیا ہے تاکہ وہ زہریلے کیڑے نہ کھاسکے۔ اُنہیں یہ بھی خدشہ ہے کہ پنکج کسی کو کاٹ نہ لے۔ ( روز نامہ نوائے وقت 8 مئی 2007ء )