ماہنامہ انوار مدینہ لاہور جون 2007 |
اكستان |
 |
حرف ٓغاز نحمدہ ونصلی علی رسولہ الکریم امابعد ! پاکستان کے فوجی حکمران جنرل پرویز مشرف نے ٢١ مئی کو زلزلہ سے تباہ شدہ بالاکوٹ کے پاس نیوبالاکوٹ ٹائون کا سنگ ِبنیاد رکھا۔ اِس موقع پر اپنے خطاب میں جہاں اُنہوں نے بہت سی باتیں کی ہیں وہاں اُنہوں نے تین دعوے بھی کیے ہیں کہ : (١) عوام میرے ساتھ ہیں تو پھر مجھے کسی کا ڈر نہیں۔ (٢) حکومت مجھے اللہ نے دی ہے۔ (٣) دُنیا بھر میں میری عزت ہے۔ اِن تینوں دعوئوں میں صدرِ محترم کی کم علمی بلکہ بے علمی بلکہ فکری اور اعتقادی بے راہ روی پوری طرح نمایاں ہے۔ صدرِ محترم اپنے تئیں کتنے ہی لائق فائق اور ڈگری ہولڈرہوں مگر سچ بات یہ ہے کہ معمولی پڑھا لکھا مسلمان بھی اِن کے اِس بیان کو مسترد کردے گا، اس لیے کہ : ''عوام میرے ساتھ ہیں اور مجھے کسی کا ڈر نہیں'' یہ اِلحادی نعرہ ہے اور وہی لوگ اِس کے قائل ہیں جو خدا پر ایمان نہیں رکھتے اور عوام کو طاقت کا سرچشمہ قرار دیتے ہیں، جبکہ ہر مسلمان کا یہ عقیدہ ہے کہ طاقت کا سرچشمہ صرف اللہ کی ذات ہے اور عوام اُس کی مخلوق ہیں اور جو اللہ تعالیٰ کے بتلائے ہوئے طریقے کے مطابق عوام کی خدمت کرتا ہے وہ زمین پراللہ کا سایہ اور قابل ِ احترام ہے۔ بصورت ِ دیگر وہ شیطان کا