ماہنامہ انوار مدینہ لاہور جون 2007 |
اكستان |
 |
ایران : تمام ٹی وی ڈراموں میں نماز کے سین ڈالنا ضروری قرار دے دیا گیا تہران (اے ایف پی) ایران میں تمام ٹی وی چینلوں کو حکم دیا گیا ہے کہ وہ اپنے ڈراموں میں نماز پڑھنے کا سین لازمی شامل کریں ورنہ اِنہیں آن لائن نہ کریں۔ سرکاری ٹی وی کے سربراہ عزت اللہ ضرغامی نے کہا کہ نماز کا سین ضروری نہیں کہ صرف مثبت کرداروں پر ہی عکس بند کیا جائے بلکہ منفی کرداروں کو بھی نماز پڑھتے دکھایا جاسکتا ہے۔ ( روز نامہ نوائے وقت 8 مئی 2007ء ) ڈنمارک میں آئندہ ہر نومولود بچے کا نام حکومت رکھے گی برسلز (اے این این) ڈنمارک میں آئندہ سے ہر نومولود بچے کا نام حکومت تجویز کرے گی۔ مقامی ذرائع ابلاغ کے مطابق ڈنمارک کی حکومت نے نومولود بچوں کے لیے نام تجویز کرتے ہوئے ایک فہرست جاری کردی ہے اور آئندہ صرف اِسی فہرست کے مطابق نام رکھے جاسکیں گے۔ اِس فہرست میں نام شامل نہ ہونے کی صورت میں متعلقہ اتھارٹی اور چرچ والدین کا دیا ہوا نام رجسٹرڈ نہیں کریں گے۔ مسلمان اِس قانون کی زد میں براہِ راست آتے ہیں۔ فہرست میں لڑکوں کے لیے 5754 جبکہ لڑکیوں کے لیے 7895 نام جاری کیے گئے ہیں جن میں مسلمانوں کے مشہور نام شامل نہیں ہیں۔ ( روز نامہ نوائے وقت 8 مئی 2007ء ) سعودی عرب سے قوم عاد کے دَور کی نعش برآمد ریاض (اے این این) سعودی عرب کے جنوب مشرقی صحرائی علاقے میں گیس کی تلاش کے دوران پٹرولیم کمپنی آرامکو کی ٹیم کو قدیم دَور کی ایک لاش کا ڈھانچہ ملا ہے۔ سعودی علمائے کرام کا کہنا ہے کہ یہ لاش قوم عاد کے دَور کی ہوسکتی ہے۔ قرآن حکیم میں قوم ِعاد و قومِ ہود کا تذکرہ موجود ہے۔ کہا گیا ہے کہ اُس دَور کا انسان اتنا طاقتور تھا کہ وہ صرف ایک ہاتھ سے بڑے بڑے درختوں کو اُکھاڑپھینکنے کی صلاحیت رکھتا تھا۔ (روز نامہ نوائے وقت 8 مئی 2007ء )