ماہنامہ انوار مدینہ لاہور جولائی 2004 |
اكستان |
|
کوئی چیز اور کوئی عمل دُعا سے زیادہ مکرم نہیں۔ عن ابن عمر قال قال رسول اللّٰہ ۖ من فتح لہ منکم باب الدعاء فتحت لہ ابواب الرحمة۔وما سئل اللّٰہ شیئاً یعنی احب الیہ من ان یسئل العافیة۔(ترمذی) حضرت عبداللہ بن عمر رضی اللہ تعالیٰ عنہ سے روایت ہے کہ رسول اللہ ۖ نے فرمایا تم میں سے جس کے لیے دُعاء کا دروازہ کھل گیا اُس کے لیے رحمت کے دروازے کھل گئے اور اللہ تعالیٰ کو سوالوں اور دعائوں میںسب سے زیادہ محبوب یہ ہے کہ بندے اس سے عافیت کی دُعا کریں (یعنی کوئی دُعا اللہ تعالیٰ کو اس سے زیادہ محبوب نہیں)۔ عن ابی ھریرة قال قال رسول اللّٰہ من لم یسأل اللّٰہ یغضب علیہ ۔ ( ترمذی) حضرت ابو ہریرہ رضی اللہ عنہ سے روایت ہے کہ رسول اللہ ۖنے فرمایا جو اللہ سے نہ مانگے اُس پر اللہ تعالیٰ ناراض ہوتا ہے۔ عن ابن مسعود قال قال رسول اللّٰہ ۖ سلوا اللّٰہ من فضلہ فان اللّٰہ یحب ان یسأل وافضل العبادة انتظارالفرج۔ ( ترمذی ) حضرت عبداللہ بن مسعود رضی اللہ عنہ سے روایت ہے کہ رسول اللہ ۖنے فرمایا: اللہ سے اُس کا فضل مانگو کیونکہ اللہ تعالیٰ کو یہ بات محبوب ہے کہ اس کے بندے اس سے دعاء کریں اور مانگیں اور فرمایا کہ اس بات کا انتظار کرنا کہ وہ بلا اور پریشانی کو دور فرمائے گا اعلیٰ درجہ کی عبادت ہے۔ عن ابن عمر قال قال رسول اللّٰہ ۖ ان الدعاء ینفع مما نزل ومما لم ینزل فعلیکم عباداللّٰہ بالدعاء ۔ ( ترمذی ، احمد ) حضرت عبداللہ بن عمر رضی اللہ عنہما سے روایت ہے کہ رسول اللہ ۖنے فرمایا : دُعاء کارآمد اور نفع بخش ہوتی ہے اُن حوادث میںبھی جو نازل ہو چکے ہیں او راُن میں بھی جو ابھی نازل نہیں ہوئے پس اے خدا کے بندو! دُعاء کا اہتمام کرو۔ عن جابر قال قال رسول اللّٰہ ۖ الا ادلکم علی ما ینجیکم من عدوکم ویدرلکم ارزاقکم تدعون اللّٰہ فی لیلکم ونھارکم فان الدعاء سلاح المؤمن ( مسندابو یعلی ) حضرت جابر رضی اللہ عنہ سے روایت ہے کہ رسول اللہ ۖ نے فرمایا کیا میں تمہیں وہ عمل نہ