ماہنامہ انوار مدینہ لاہور جون 2003 |
اكستان |
 |
حضرت گنگوہی رحمہ اللہ کے تفسیر و حدیث ،فقہ و تصوف ،تاریخ و تذکرہ سے متعلق انتہائی قیمتی ملفوظات کو سلیقہ کے ساتھ جمع کیا ہے۔شروع میں حضرت گنگوہی کے مختصر حالات درج کیے ہیں ،اصلاحِ ظا ہروباطن کے لیے اس کتاب کا مطالعہ نہایت مفید ہے۔ ٭ کتاب : درسِ قرآن (اول ، دوم ) مرتبین : مجلس تحقیق اسلامی ملتان صفحات : جلد اول ١٦٠،جلد دوم ١٢٢ سائز : ٨/٢٠٣٠ ناشر : ادارہ تالیفات ِاشرفیہ ملتان قیمت : درج نہیں حضرت مولانا محمد اسحٰق صاحب دامت برکاتہم نے اپنے ادارہ میں ایک مجلس ،''مجلسِ تحقیقِ اسلامی '' کے نام سے قائم کر رکھی ہے اس مجلس سے وقتاً فوقتاً قیمتی کتابیں ترتیب پاکر شائع ہوتی رہتی ہیں ۔زیرِ تبصرہ کتاب ''درسِ قرآن'' بھی اسی مجلس کی طرف سے ترتیب پا کر ادارہ تالیفاتِ اشرفیہ کی طرف سے شائع ہوئی ہے اس وقت ہمارے سامنے درسِ قرآن کی دو جلدیں ہیں اول اور دوم ۔پہلی جلد میں ٦٣ اور دوسری جلدمیں ١٢٢ درس ہیں ۔ان دروس کا اسلوب یہ ہے کہ اُوپر جلی قلم سے قرآن پاک کی آیات اور بین السطور اُن کا ترجمہ دیاگیا ہے اور نیچے متعلقہ آیات کی نہایت آسان تفسیر دی گئی ہے ۔پہلی جلد میںہر درس دو صفحوں پر مشتمل ہے اور دوسری جلد میں ہر درس ایک صفحہ پر مشتمل ہے ۔دوسری جلد میں مزید یہ کام بھی کیا گیا ہے کہ ترجمہ کے بعد نہایت اختصار کے ساتھ الفاظِ قرآنی کے معنی اور ان کی نحوی وصرفی تحقیق بھی دی گئی ہے ۔ ترجمہ حضرت تھانوی رحمہ اللہ کے ترجمہ سے ماخوذ ہے اور تفسیر مستند تفاسیر مثلاً تفسیر ابن ِکثیر ،معارف القرآن، بیان القرآن وغیرہ سے لی گئی ہے۔ انداز بیان دلکش ودلنشیں اور انتہائی آسان ہے جسے معمولی استعداد والا شخص بھی سمجھ سکتا ہے ،بلا شبہہ یہ ایک عمدہ کاوش ہے جو قرآن فہمی میں ممدو معاون ثابت ہو سکتی ہے ۔اگر ان دروس کو عام مساجد میں اور گھر وں میں پڑھ کر سنایا جا ئے تو یقینا ان سے فائدہ ہو گا ۔قرآن فہمی سے دلچسپی رکھنے والے حضرات ان دروس کی طرف ضرور توجہ کریں ۔( ن۔ا) ٭