ماہنامہ انوار مدینہ لاہورجولائی 2002 |
اكستان |
 |
انہوں نے کہا جو اندر کی جانب ہیںیہ جنت صفحہ نمبر 27 کی عبارت کی نہریں ( کوثر اور نہر رحمت ) ہیں اور جو باہر کی جانب ہیں یہ نیل و فرات ہیں۔ ا ن ناموں کی وجہ یہ ہے کہ آگے جاکر غیر محسوس طور پر ان کا تعلق دنیا کے دریائے نیل اور دریائے فرات سے ہے ۔پھر میرے سامنے بیت معمور لایا گیا (جو خانہ کعبہ کے عین اوپر ایک مسجد ہے جس میں ہر روز ستر ہزار فرشتے داخل ہوتے ہیں ۔پھر دوبارہ کبھی ان کی باری نہیں آتی ۔اس کے بعد میرے سامنے ایک برتن شراب کا ، ایک دودھ کا اور ایک شہد کا پیش کیا گیا۔ میں نے دودھ لے لیا ۔جبرئیل نے کہا یہی فطرت ہے جس پر آپ اور آپ کی اُمت رہے گی۔(اور مجموعی حقیقت کے اعتبار سے بہکے گی نہیں )۔ (پھر مجھے اور اوپر لے جایا گیا یہاں تک کہ میں ایک بلند مقام پر چڑھا جہاں میںنے لکھائی کے دوران قلموں کے گھسیٹنے کی جو آواز ہوتی ہے وہ سنی جو فرشتوں کے لوح محفوظ سے احکام خداوندی کو لکھتے ہوئے پیدا ہو رہی تھی )۔اس کے بعد مجھ پر ہر دن میں پچاس نمازیں فرض کی گئیں۔جب میں واپس لوٹا تو موسیٰ علیہ السلام پر میراگزر ہوا انھوں نے پوچھا آپ کو کیا حکم دیا گیا ہے میں نے کہا روزانہ پچاس نمازوں کا ۔انہوں نے کہا آپ کی اُمت روزانہ پچاس نمازیں نہیں پڑھ سکتی بخدا میںنے آپ سے پہلے لوگوں کا تجربہ کرلیا ہے اور بنی اسرائیل کے ساتھ بڑی کوشش کی ہے لہٰذا آپ اپنے پروردگارکی طرف واپس جائیں اور اپنی اُمت کے لیے تخفیف کی درخواست کیجیے چنانچہ میں لوٹ گیا ۔اللہ تعالی نے پانچ نمازیں کم کردیں۔جب موسیٰ علیہ السلام کے پاس لوٹا تو انہوں نے پھر وہی بات کہی۔میں لوٹ کر گیا تو اللہ تعالی نے پانچ اور نمازیںکم کرکے کل )دس نمازیں کم کردیں ۔ جب موسیٰ علیہ السلام کے پاس لوٹ کر آیا توانہوںنے پھر وہی بات کہی۔ میں پھرلوٹ کر گیا تو اللہ تعالی نے دس نمازیں اور کم کر دیں (یہ کمی بھی دو مرتبہ میں ہوئی اور آگے بھی ایسا ہی ہوا )۔ پھر میں موسیٰ علیہ السلام کے پاس لوٹ کر آیا تو انہوں نے پھر وہی بات کہی چنانچہ میں پھر لوٹ گیا۔اللہ تعالی نے دس نمازیں اور معاف فرمادیں ۔میں پھر موسیٰ علیہ السلام کے پاس لوٹ کرآیا تو انہوں نے پھر وہی بات کہی چنانچہ میں پھر لوٹ گیا ۔اللہ تعالی نے دس ممازیں اور معاف کردیں اور اب مجھ کو ہر دن میں دس نمازوں کا حکم رہ گی ا۔پھر میں موسیٰ علیہ السلام کے پاس لوٹ آیا تو انہوں نے پھر وہی بات کہی چنانچہ میں پھر لوٹ گیا تو اللہ تعالی نے مجھ کوہر دن میں پانچ نمازوں کا حکم دیا ۔پھر میں موسیٰ علی السلام کے پاس لو ٹ کر آیاتو انہوں نے پوچھا ( اس مرتبہ)آپ کو کیا حکم دیا گیا ہے ۔میں نے کہا روزانہ پانچ نمازوں کا ۔انہوں نے کہا