ماہنامہ انوار مدینہ لاہورجولائی 2002 |
اكستان |
 |
مستحکم کرنے اور دینی مدارس کو بدنام کرنے کی سازش اور کوشش قرار دیا گیا ۔ حکومت سے مطالبہ کیا گیا کہ اس اہانت آمیز سلسلہ کو فوراً بند کیا جائے اور ذمہ دار افراد کے خلاف کارروائی کی جائے ،اگر حکومت کو کسی مدرسہ کے بارے میں شکایت یا معلومات درکار ہوں تووہ ''وفاق المدارس العربیہ پاکستان ''سے رابطہ کرے۔ (٧) جیّد علماء کی رحلت پر قرار داد تعزیت و دُعائے مغفرت : اجلاس میں جمعیة علماء اسلام کے سر پرست حضرت مولانا قاری محمد اجمل خان رحمةاللہ علیہ ،ناظم اعلیٰ ''وفاق''مولانا قاری محمد حنیف جالندھری کے والد نسبتی حضرت مولانا سعید الرحمن انوری ،دارالعلوم کراچی کے سابق استاذ حدیث ومفتی حضرت مولانا عاشق الہی البرنی ،حضرت مولانا مفتی رشید احمد لدھیانوی ،حضرت مولانا مفتی عبدالشکور ترمذی،مولانا مفتی عبدالقدوس صاحب (ڈیرہ اسمٰعیل خاں ) ،مولانا زبیر احمد صاحب مہتمم جامعہ مدنیہ (بہاولپور) اور مولانا محمد انور صاحب مہتمم دارالعلوم کبیر والا کی والدہ ماجدہ کی رحلت پراظہار غم کرتے ہوئے تمام مرحومین کے لیے دُعائے مغفرت کی گئی اور جید علماء کی رحلت کو دینی حلقوں کے لیے ناقابل تلافی نقصان قرار دیا گیا ۔ (مولانا )محمد حنیف جالندھری ناظم اعلیٰ وفاق المدارس العربیہ پاکستان ٤ربیع الثانی ١٤٢٣ھ /١٦جون ٢٠٠٢ئ ٭ وفاق المدارس کی جانب سے قدیم فضلا کے لیے اہم اعلان وفاق المدارس العربیہ پاکستان کی مجلس عاملہ کے اجلاس منعقدہ ٢٧ربیع الاول ١٤٢٣ھ مطابق ٩جون٢٠٠٢ ء بمقا م مرکزی دفتر وفاق المدارس ملتان میںقدیم فضلا ء کے امتحان کے سلسلہ میں متفقہ طورپر طے پایا کہ ١٤١٥ ھ یا اس سے پہلے کے فضلاء کے لیے ٤اگست ٢٠٠٢ء بروز اتوار مرکزی دفتر وفاق المدارس میں امتحان ہوگا اور سوالیہ پرچہ صحاح ستہ سمیت شھادة العالمیہ کی تما م کتب پر مشتمل ہوگا ،تاہم حسب سابق ایک پرچہ ہوگا۔ شرائط داخلہ درج ذیل ہیں : (١) اُمیدوار جس مدرسہ کا فارغ التحصیل ہو وہ ''وفاق ''سے ملحق ہو اور ''وفاق '' کے ریکارڈ میں نیک نامی رکھتاہو۔ (٢) مدرسہ کے ریکارڈ کے مطابق سند صحیح ہو او ر دورۂ حدیث شریف کی باقاعدہ تعلیم اورامتحا ن کے بعد جاری کی گئی ہو ۔ (٣) اس سند کے صحیح ہونے کی تصدیق متعلقہ مدرسہ کے مہتمم،شیخ الحدیث ،صدر مدرس یا ناظم تعلیمات نے کی ہو۔ نیز اس کی تصدیق علاقائی رکن عاملہ یا مسئول بھی کریں۔ صفحہ نمبر 96 کی عبارت