محروم اصطلاحی اور محجوب میں فرق
محروم: جس میں وراثت سے روکنے والی چیز وارث کی ذات میں موجود ہو جو استحقاقِ وارث کی اہلیت کو ختم کردے، جیسے:کفر اور قتلِ مورث۔جس کا بیان موانعِ ارث میں ہو چکا ہے۔
محجوب: جس کی ذات میں تو استحقاق ارث کی اہلیت موجود ہوتی ہے؛ مگر دوسرے وارث کی وجہ سے حجب طاری ہوتا ہے، جیسے باپ کی موجودگی میں دادا محجوب ہوتا ہے۔
نوٹ: کبھی محروم کے عام معنیٰ مراد لیے جاتے ہیں ، اور محجوب بہ حجبِ حرمان والے کو بھی ’’محروم‘‘ لکھتے ہیں ۔
مخارج فروض کا بیان
مخارج: اِس سے مراد یہ ہے کہ اعداد میں سے سب سے چھوٹا ایسا عدد دریافت کیا جائے کہ اُس سے وارثوں کو اُن کے مقررہ حصے بلا کَسر تقسیم ہو سکیں ۔
فروضِ مقدَّرہ مذکورہ فی کتاب اللہ دوقسموں پر ہیں :
قسمِ اول
نصف
۱ ۲
ربع
۱ ۴
ثمن
۱ ۸
قسمِ ثانی
ثلث
۱ ۳
ثلثان
۲ ۳
سدس
۱ ۶
فائدہ: مسئلہ بنانے میں نوعِ اول و ثانی کے فروض کی انفرادی و اجتماعی اعتبار سے کل تین صورتیں نکلتی ہیں :