حجب کابیان
حَجب:کسی وارث کا دوسرے وارث کی وجہ سے کل یا بعض سہام سے محروم ہونا ہے۔
حَجب کی دو قسمیں ہیں : حجب نقصان، حجب حرمان۔
حجب نقصان: کسی وارث کا دوسرے وارث کی وجہ سے زیادہ حصے کے بہ جائے کم حصہ پانا۔
یہ حجب پانچ افراد پر طاری ہوتا ہے: شوہر، بیوی، ماں ، پوتی اور علاتی بہن۔
حجب حرمان: کسی وارث کا دوسرے وارث کی موجود گی میں وراثت سے بالکل ہی محروم ہوجانا۔
حجب حرمان کے متعلق ورثا کی دو جماعتیں ہیں :
(الف)ایک وہ جماعت ہے جو کبھی محروم نہیں ہوتی، یہ چھ افراد ہیں : زوجین، والدین، لڑکے اور لڑکیاں ۔
(ب)دوسری جماعت اُن ورثاء کی ہے جو کبھی محروم ہوتے ہیں اور کبھی نہیں ہوتے،جن کی شناخت کے دو آسان قاعدے مقرر کیے گئے ہیں :
(۱)واسطہ کے ہوتے ہوئے ذو الواسطہ محروم ہوتا ہے، مثلاً باپ(واسطہ) کی موجودگی میں دادا (ذو الواسطہ) محروم ہوگا۔
(۲)ہر اقرب ابعد کو محجوب کرے گا، مثلاً نانی پر دادی کو محجوب کرے گی۔
اِس دوسری جماعت کے افراد درجِ ذیل ہیں :
دادا،دادی،حقیقی بھائی،علاتی بھائی،اخیافی بھائی،اخیافی بہن،پوتا، پوتی۔
حقیقی یا علاتی چچا، حقیقی یا علاتی بھائیوں اور چچاؤں کے لڑکو ں کو بھی اِس میں شامل کیا جاتا ہے۔
