فروض مقدرہ اور اُن کے مستحقین
کتاب اللہ میں مذکورحصے کل چھ ہیں :
قسمِ اول نصف ۱ ۲ ربع ۱ ۴ ثمن ۱ ۸
قسمِ ثانی ثلث ۱ ۳ ثلثان ۲ ۳ سدس ۱ ۶
اِن دونوں نوعوں کے فروض میں باہمی تضعیف و تنصیف (۱)کا تعلق ہے۔
ذ وی الفروض
ذوی الفروض کل بارہ ہیں :
چار مرد: (۱)باپ(۲)جد صحیح(۳)اخیافی بھائی (۴) شوہر۔
آٹھ عورتیں : (۱)بیوی (۲)بیٹی (۳)پوتی(۴)حقیقی بہن(۵) علاتی بہن (۶)اخیافی بہن (۷)ماں (۸)جدۂ صحیحہ۔
(۱)اِن دو قسموں کی خوبی یہ ہے کہ اگر اِن کو دا ہنی طرف سے دیکھا جائے تو ہر عدد دوسرے کے مقابلے میں دوگنا نظر آئے گا، مثال کے طور پر قسم اول کو دا ہنی طرف سے دیکھیے: نصف، رُبع کا دوگنا ہے، اور رُبع، ثمن کا؛ اِسی طرح قسمِ ثانی میں بھی ثلثان، ثُلث کادوگنا ہے، اور ثلث، سُدس کا۔ اِس کو ’’تضعیف‘‘ کہتے ہیں ، تضعیف کے معنیٰ ہیں : دو چند کرنا، یعنی عدد کو اِس طرح ذکر کرنا کہ دا ہنی طرف سے ہرعدد دوسرے کا دوگنا نظر آئے۔
اور اِن ہی عددوں کو اگر بائیں طرف سے دیکھاجائے تو ہرعدد دوسرے کے مقابلے میں آدھا نظر آئے گا، مثال کے طور پر قسمِ اول کو بائیں طرف سے دیکھیے: ثمن، رُبع کا آدھا، اور رُبع، نصف کاآدھا ہے، اور دوسری قسم میں سُد س، ثلث کاآدھا، اور ثلث، ثلثان کا آدھا ہے۔ اِس کو ’’تنصیف‘‘ کہتے ہیں ، تنصیف کے معنیٰ ہیں : آدھا کرنا، یعنی عدد کو اِس طرح ذکر کرنا کہ بائیں طرف سے ہر عدد دوسرے کے مقابلے میں آدھا نظر آئے۔
