ماہنامہ انوار مدینہ لاہور جولائی 2017 |
اكستان |
 |
اُسی کا احسان ہے کہ ہم کو حضرت محمد ۖ کی اُمت میں پیدا کیا اُسی کا احسان ہے کہ ہم مسلمان ماں باپ سے مسلمان گھرانے میں پیدا ہوئے، (ہماری یہ حالت ہوگئی ہے کہ) ہم نہ تو خدا کو یاد کرتے ہیں اور نہ اُس کا شکریہ ادا کرتے ہیں ،خدا کا فضل ہے کہ ہم کو ہلکی شکر گزاری کا حکم کیا گیا، صبح کو شام کو رات کو دن کو کسی وقت تھوڑی دیر بیٹھ کر یہ سوچا کرو کہ اللہ تعالیٰ کا ہمارے اُوپر کیا کیا انعام ہے ؟ ذکر ِ نعمت بہت ضروری ہے اللہ تعالیٰ فرماتا ہے (لَئِنْ شَکَرْتُمُ لَاَزِیْدَنَّکُمْ وَلَئِنْ کَفَرْتُمْ اِنَّ عَذَابِیْ لَشَدِ یْد ) ١ یہاں بے قید فرمایا کہ تم شکریہ ادا کروگے یعنی اگر کسی درجے میں بھی شکر کروگے تومیں ضرور بالضرور اپنی نعمتوں کو زیادہ کرتا رہوں گا، آپ کو (زیادہ) دعا مانگنے اور وظیفہ پڑھنے کی بھی ضرورت نہیں اللہ تعالیٰ کا شکریہ ادا کرو کہ اِس میں سب کچھ ہے، آگے فرماتے ہیں کہ اگر تم کفرانِ نعمت کروگے توجان لو میرا عذاب بڑا سخت ہے۔ میرے بزرگو ! اللہ تعالیٰ نے ہم کو بڑے بڑے انعام دیے ہیں اُن میں سب سے بڑا اِنعام قرآن ہے، آنحضرت ۖ کے طفیل میں ہمیں یہ اِنعام ملا ہے اِس کی قدر کیجئے، بعضے بیوقوف کہتے ہیں کہ بے معنی قرآن پڑھنا فضول وقت ضائع کرنا ہے، یہ غلط بات ہے بے سمجھی کی بات ہے آقائے نامدار ۖ فرماتے ہیں کہ قرآن کے ہر ہر حرف پر اللہ تعالیٰ دس دس نیکیاں دے گا، پھر فرماتے ہیں کہ میں یہ نہیں کہتا کہ '' الم '' میں دس نیکیاں ملیں گی بلکہ ''الف'' پر دس ''لام'' پر دس اور'' میم'' پر دس، مجموعے میں تیس نیکیاں ملیں گی،'' الم'' کے معنی صحیح طور پر کوئی نہیں بتلا سکتا، بڑے بڑے مفسرین ''الم'' کے بارے میں کہتےہیں اَللّٰہُ اَعْلَمُ بِمُرَادِہ ۔ اس سے معلوم ہوا کہ معنی جانے یا نہ جانے تلاوتِ قرآن سے ہر ہر حرف پر دس دس نیکیاں ملیں گی، اگر اس کے ساتھ معنی بھی سمجھے تو بہت ہی اچھا ہے جیسا کہ آپ کے یہاں مراد آباد میں انتظام ہے، بہت سے شہر اِس ترجمۂ قرآن سے محروم ہیں، مراد آباد کی خوش قسمتی ہے کہ مولانا عبدالحق مدنی یہاں موجود ہیں اِنہوں نے مدت ہوئی کراچی چھوڑ کر یہاں کا قیام اختیار کیا اور جب سے آئے ہیں خدمت قرآن میں لگے ہوئے ہیںاور آپ کو بار بار قرآن کا ترجمہ سناتے ہیں، ------------------------------١ سُورہ ابراہیم : ٧