ماہنامہ انوار مدینہ لاہور جولائی 2017 |
اكستان |
 |
غزوۂ خندق میں بارہ ہزار آدمیوں کو جو جنگجو تھے ہر قبیلے کے افراد اُن میں تھے اِس دعوے کے ساتھ چڑھا لائے کہ ہم مدینے کی اینٹ سے اینٹ بجادیں گے، ستائیس اٹھائیس روز مدینہ کا محاصرہ کیے پڑے رہے اور ایڑی سے چوٹی تک کا زور لگا لیا مگر ناکامی پر ناکامی ہوئی، آپ کی فوج (جماعت) چار ہزار تھی اور اُن کی بارہ ہزار، کفار پورا سامان لے کر آئے تھے آنحضرت ۖ نے دربار ِ الٰہی میں دعا فرمائی،فروری کا مہینہ تھا چلے کے جاڑے پڑ رہے تھے بڑے زور سے آندھی آئی آندھی نے دشمنوں کے تمام خیموں کو اُکھاڑ دیا دیگوں میں کنکریاں پڑ گئیں آگ نے اُڑکر خیموں کو جلادیا، ان کی تمام چیزیں برباد ہوگئیں اب کیا کریں ؟ دشمن کہنے لگے کہ بھاگو ! محمد ۖ نے ہوا پر جادو کردیا، آندھی چلوادی، کس قدر خرچہ اُن پر پڑا ہوگا ،بارہ ہزار آدمیوں کو ستائیس دن تک کھانا کھلایا مجبور ہو کر وہاں سے لوٹے منہ کی کھائی ، اس قدر پسپا ہوئے کہ آقائے نامدار ۖ نے فرمایا کہ کفار کی ایسی کمر ٹوٹی ہے کہ وہ مدینے پر چڑھائی کا آئندہ نام تک نہیں لیں گے (یہ سب باتیں کفار نے برداشت کیں لیکن قرآن کا جواب ایک چھوٹی سورت کے برابر بھی نہ لاسکے)۔ جنابِ باری کی ذات جیسی بے نظیر و بے مثیل ہے اُس کی صفات بھی ایسی ہی بے نظیر و بے مثیل ہیں لہٰذا اُس کاکلام بھی بے نظیر و بے مثیل ہونا چاہیے۔ عصائے موسیٰ، ید ِبیضا، ناقہ ٔ صالح، حضرت عیسیٰ علیہ السلام کا نابیناؤں کو بینا کرنا، وغیرہ وغیرہ یہ سب اعلیٰ درجے کے معجزے ہیں مگر حادث ہیں ،قرآن خدا کی صفت ہے، صفات کے بغیر کوئی فعل صادر نہیں ہو سکتا، اگر کسی کے اندر صفت سخاوت ہے تو وہ کرم کرے گا اور اگر سخاوت کی صفت نہیں ہے تو ہر گز خرچ نہیں کرے گا، اسی طرح اگر شجاعت کی صفت ہے تو میدانِ جنگ میں آئے گا ہاتھ چلے گا، اگر شجاعت کی صفت نہیں ہے تو میدان میں نہیں آئے گا، غرضیکہ صفت اصلی چیز ہے اللہ تعالیٰ نے اپنی صفت ِ کلام حضرت محمد ۖ کو عطا فرمائی، کسی پیغمبر کو یہ نعمت عطا نہیں کی گئی، مثال سے یوں سمجھئے کہ ایک تو بادشاہ اپنے خزانے میں سے کسی کو جواہرات دیدے اور کسی کے ساتھ یہ سلوک کرے کہ اُس کو اپنا ہاتھ دیدے (دونوں میں کتنا بڑا فرق ہے)۔ آج ہماری مساجد خالی پڑی ہیں، مدارس (عربیہ) جو ہیں اُن کے اندر امیروں کی اولاد