(۱) ایک وہ لوگ جو کبھی محروم نہیں ہوتے ، یہ چھ افراد ہیں ، زوجین ، والدین ، لڑکے ، لڑکیاں ۔
(۲) دوسرے وہ لوگ جو کبھی محروم ہوتے ہیں اور کبھی محروم نہیں ہوتے ، یہ درج ذیل افراد ہیں :
دادا ، دادی ، حقیقی بھائی بہن ، علاتی بھائی بہن ، اخیافی بھائی بہن ، پوتا پوتی ، حقیقی علاتی چچا و غیرہ ۔
ان حضرات کے محروم ہونے اور نہ ہونے کے لئے دو قاعدے ہیں :
(۱) ذوالواسطہ واسطہ کے ہوتے ہوئے محروم ہوتاہے ۔
(۲) دور والے وارث قریب والے وارث کی موجودگی میں محروم ہوتے ہیں ۔
محروم اور محجوب میں فرق :
محروم وہ ہے جس میں وراثت سے روکنے والی چیز وارث کی ذات میں موجو د ہو جیسے کفر ، قتل ، غلامی ۔
محجوب وہ ہے جس میں وراثت سے روکنے والی چیز وارث کی ذات میں موجود نہ ہو؛ بلکہ خارجی ہو، جیسے باپ کی موجودگی میں دادا کہ یہاں باپ دادا کو وراثت سے روک رہا ہے، خود داداکی ذات میں کوئی کمی نہیں ہے ۔
عول کا بیان
عول کے لغوی معنی زیادتی اور غلبہ کے ہیں۔
اصطلاحی معنی :
جب مخرج کے حصے بڑھ جائیں تو مخرج کے اجزا ء میں زیادتی کرنے کو عول کہا جاتا ہے ۔