دامت برکاتہم امیر ملت اسلامیہ آندھرا پردیش کا ممنون ومشکور ہے کہ آ پ نے قیمتی دعائیہ کلمات کے ذریعہ اس کتاب کی اہمیت و افادیت میں اضافہ فرمایا ، احقر کے لئے یہ بڑی حوصلہ افزائی کی بات ہے ،نیز حضرت مولاناخالد سیف اللہ رحمانی صاحب ناظم المعہدالعالی الاسلامی کا بھی ممنون ہے کہ آپ نے احقر کی درخواست کو قبول کرتے ہوئے ایک قیمتی پیش لفظ تحریر کیا ، جس کی وجہ سے کتاب کی اہمیت و افادیت میں اضافہ ہوا ، اسی طرح استاذ مکرم حضرت مولانا مفتی محمد جمال الدین صاحب قاسمی صدر مفتی دارالعلوم حیدرآباد کا ممنون و مشکورہے کہ جن کی علمی سرپرستی مجھ جیسے ناچیز کو برابر حاصل ہے ، اور جن کے مشوروں پر عمل کرنا اپنے لئے سعادت مندی سمجھتا ہے ، ان تمام بزرگوں کو اللہ تعالی اجر جزیل عطافرمائے اور ان کی علمی و روحانی سرپرستی ہمیشہ قائم و دائم رکھے ۔
اسی طرح ہمارے صدیقِ محترم حضرت مولانا مفتی محمد مکرم محی الدین قاسمی صاحب استاذ دارالعلوم حیدرآباد کا بھی مشکور ہوں کہ آپ نے طبع ثانی کے موقع پر اپنی قیمتی کلمات لکھ کر احقر کی ہمت افزائی کی اور اپنے قیمتی مشوروں سے برابر نوازتے رہے ، اللہ آپ کو بہترین بدلہ عطا فرما ئے اور آپ کے علم وفضل میں ترقی عطا فرمائے ۔
اخیر میں یہ گذارش کرتاہوں کہ باوجود کوشش اور محنت کے اگر کوئی غلطی اس کتاب میں رہ گئی ہو تو احقر کو اس سے مطلع فرمائیں انشاء اللہ اس کی تصحیح آئندہ ایڈیشن میں کردی جائے گی ۔ وصلی اللہ تعالی علی خیر خلقہ محمد و آلہ وصحبہ اجمعین۔
محمد غیاث الدین حسامی
۲۹/جمادی الاولی ۱۴۳۴ھ
فون نمبر: 9391717708