راہ سلوک میں وفا داری کی اہمیت |
ہم نوٹ : |
 |
پاک ہوتا ہے کیوں کہ ان پر ہر وقت اللہ تعالیٰ کی تجلی اور انوار برستے ہیں جس کی وجہ سے ان کا چہرہ نورانی ہوجاتا ہے۔ عشقِ مجازی سے نجات کا تیسرا مراقبہ دو مراقبے ہوگئے۔ اب تیسرا مراقبہ جو سب سے زیادہ ہائی پاور کا ہے کہ جس حسین عورت سے تم مرور، عبور اور سرور حاصل کرنا چاہتے ہو اس کا پیدایش کےوقت کیا حال ہوتا ہے، کیااس حالت میں تم اس سے گناہ کرسکتے ہو؟ تو اس مراقبہ سے نفرت ہوگئی یا نہیں؟ حسن کی طرف جو رغبت ہے یہ اس کے لیے اینٹی بایوٹک ہے۔ اب اس کے بعد اگر انگلش کا یہ جملہ بھی پڑھ لو تو اور فائدہ ہو جائے گا کہ آ برڈ فیل ان دی ویل (A bird fell in the well) میں نے بچپن میں یہ جملہ کسی سے سن لیا تھا تو وہ انگریزی اب کام آرہی ہے۔ اب اگر کوئی ایک کروڑ رین (جو جنوبی افریقہ کی کرنسی ہے) کسی کو دے کہ اس وقت تم اس کے ساتھ گناہ کرلو، تو کیا ایسا کرسکتاہے؟ بدنظری خدا کی رحمت سے دوری کا سبب نظر باز کے لیے اللہ تعالیٰ کے پیارے رسول صلی اللہ علیہ وسلم کی بددعا ہے لَعَنَ اللہُ النَّاظِرَ وَ الْمَنْظُوْرَ اِلَیْہِ ،32؎ اس حدیث کو بھی سامنے رکھو کہ نظر باز کے لیے خدائے تعالیٰ کی لعنت اور رحمت سے دوری ہے اور نبی کی بددعا بھی لگے گی۔ اور بخاری شریف کی حدیث ہے زِنَا الْعَیْنِ النَّظَرُ نظر بازی آنکھوں کا زِنا ہے۔ اس بدنظری کی وجہ سے، ان مرنے والی لاشوں کی وجہ سے ہم اپنے مولیٰ سے دور ہو جائیں گے، عاشقوں کے لیے سب سے بڑی چیز یہ ہے کہ میرا اللہ مجھ سے ناراض ہو جائے گا، عاشق کے لیے تو یہی جملہ کافی ہے۔آہ! اس جملے سے تو مرجانا چاہیے کہ بدنظری کے اس خبیث فعل سے میرا مولیٰ ناراض ہوجائے گا، میرا اللہ ناراض ہوجائے گا۔ _____________________________________________ 32؎مشکوٰۃ المصابیح:270/1، باب النظر الی المخطوبۃ وبیان العورات، المکتبۃ القدیمیۃ