فغان رومی |
ہم نوٹ : |
 |
خاک ما را ثانیاً پالیز کن ہیچ نے را بارِ دیگر چیز کن اے خدا! ہماری مٹی حسنِ فانی اور دنیائے مردار پر مٹی ہو کر مٹی ہوگئی، کیوں کہ جو خاک کسی خاک پر فدا ہوتی ہے وہ خاک مثبت خاک مثبت خاک ہو کر میزا ن میں بے قیمت خاک ہی رہتی ہے اور جو خاک اے خدا !آپ پر فدا ہوتی ہے تو آپ سے مثبت ہو کر وہ خاک رشکِ افلاک ، رشکِ کائنات بلکہ رشکِ دو جہاں ہوجاتی ہے۔ پس اے خدا! ہماری مٹی کو اپنی ذات پاک پر فدا ہونے کی توفیق عطا فرما کر پھر سے سرسبز وشاداب کردے اور اس ناچیز کو اپنی محبت و معرفت کی دولت سے قیمتی بنادے کہ ہم اس شعر کے مصداق ہوجائیں ؎ ناچیز ہیں پھر بھی ہیں بڑی چیز مگر ہم دیتے ہیں کسی ہستی مطلق کی خبر ہم ایں دعا تو امر کردی ابتدا ورنہ خاکی را چہ زہرہ ایں ندا اے اللہ! آپ نے قرآنِ پاک میں فرمایا کہ اُدْعُوْنِۤیْ اَسْتَجِبْ لَکُمْ؎ مجھ سے دُعا مانگو میں قبول کروں گا، اور آپ کے نبی صلی اللہ علیہ وسلم نے خبر دی کہ مَنْ لَّمْ یَسْئَلِ اللہَ یَغْضَبْ عَلَیْہِ؎ جو اللہ سے نہیں مانگتا اللہ اس سے ناراض ہوتا ہے ۔ معلوم ہوا کہ آپ نے دُعا کی صرف اجازت ہی نہیں دی، بلکہ حکم فرمادیا کہ بندے آپ سے مانگیں ۔ اگر آپ حکم نہ دیتے تو ہم خاکی پتلوں کی کیا مجال تھی کہ آپ کے سامنے لب کھول سکتے۔ یہ حکم بھی آپ کی رحمت اور کرم عظیم ہے، جس طرح اِتَّقُوااللہَکا حکم بھی آپ کا احسان وکرم ہے کہ یہ حکم دے ------------------------------