٢ ولہ ان الامام ترک فرض القراء ة مع القدرة علیہا فتفسد صلاتہ وہٰذا لانہ لواقتدی بالقاری تکون قراء تہ قراء ة لہ ٣ بخلاف تلک المسألة وامثالہا لان الموجود فی حق الامام لایکون موجودا فی حق القتدی
معذور کی اقتداء نہیں کر سکتا ، ]اصول پہلے گزر چکا ہے [ اور یہاں صحیح نے معذور کی اقتداء کر لی اسلئے اسکی نماز فاسد ہو جائے گی ۔۔ تو جس طرح اس مثا ل میں کپڑا پہننے والا مقتدی کے باوجود ننگے امام اور ننگے مقتدی کی نماز ہو جاتی ہے اسی طرح مقتدی کے قاری ہو نے کے باوجودامی امام اور امی مقتدی کی نماز ہو جائے گی ۔ اور اس پر قاری مقتدی کا کوئی اثر نہیں پڑے گا ، البتہ قاری کو قرأت پر قدرت ہے اسلئے اسکی نماز نہیںہو گی ۔ ۔عراة : عاری کا جمع ہے ، ننگا ۔
اصول : صاحبین کے یہاں غیر کے سہارے سے قدرت شمار نہیں ہو تی ۔
ترجمہ : ٢ حضرت امام ابو حنیفہ کی دلیل یہ ہے کہ قرأت پر قدرت کے باوجود اس فرض کو چھوڑنا نماز کو فاسد کر تی ہے ، اور یہ اس طرح کہ اگر قاری کی اقتداء کر تا تو قاری کی قرأت مقتدی کی قرأت ہو جاتی ۔
تشریح : یہ امام ابو حنیفہ کی دلیل عقلی ہے ،کہ اگر قاری کو امام بناتا تو قاری کی قرأت ان لوگوں کی قرأت ہو جاتی کیونکہ حدیث گزری کہ جسکا امام ہو تو امام کی قرأت مقتدی کی قرأت ہے ، لیکن ان لوگوں نے قاری کو امام نہیں بنایا توگویا کہ قرأت پر قدرت ہو نے کے باوجود اسکو چھوڑ دیا ، اور فرض پر قدرت ہو نے کے باوجود اسکو چھوڑ دے تو اس سے نماز فاسد ہو جاتی ہے ، اور جب امام کی نماز فاسد ہوئی تو اسکی وجہ سے سب کی نماز فاسد ہو گی ۔
ترجمہ: ٣ بخلاف ننگے کے مسئلے کے اور اس جیسے اور جو مسئلے ہوں اسلئے کہ جو امام کے حق میں موجود ہو وہ مقتدی کے حق میں موجود نہیں ہو تا ۔
تشریح : یہ صاحبین کو جواب ہے ۔ کہ قرأت کا معاملہ ایسا ہے کہ امام کی قرأت مقتدی کی قرأت ہو جائے گی ، اور قاری کو امام بنانے کی وجہ سے گویا کہ مقتدی بھی قرأت پر قادر ہو گیا ۔ لیکن کپڑے کا معاملہ ایسا نہیںہے، امام اگر کپڑا پہنا ہے تو اسکی وجہ سے مقتدی کو کپڑا پہنا ہوا شمار نہیں کیا جائے گا ، وہ تو ننگا ہی رہے گا ، اس لئے یہاں مقتدی کے کپڑے سے امام کا کپڑا شمار نہیں ہو گا ،اور دوسرے کے سہارے سے قدرت نہیںسمجھی جائے گی ۔ اسلئے ننگے نے ننگوں اور کپڑے پہنے ہوئے کی امامت کی تو ننگے امام اور ننگے مقتدی کی نماز ہو جائے گی ، اور کپڑا پہننے والے کی نماز فاسد ہو گی ۔
لغت: امثالھا : ننگا امام ہو اور کچھ ننگے مقتدی ہوں اور کچھ کپڑا پہنے مقتدی ہوں ، اسکے مثل یہ مسئلے ہیں ۔]١[ گونگے آدمی نے امامت کی اور اسکے پیچھے مقتدی کچھ گونگے تھے اور کچھ بولنے والے تھے ، تو گونگے امام کی نماز ہو جائے گی اور گونگے مقتدی کی نماز ہو
