٣ ولناان الامربالتطھیریتناول الجنب، و الجنابة فی اللغة خروج المنی علی وجہ الشھوة یقال اجنب الرجل اذا قضی ٰ شھوتہ من المرأة، ٤ والحدیث محمول علی الخروج عن شھوة ٥ ثم المعتبر عند ابی حنیفة و محمد انفصالہ عن مکانہ علی وجہ الشھوة ٦و عندابی یوسف ظھورہ ایضاً اعتباراً للخروج بالمزایلة اذا الغسل یتعلق بھما
٧٧٥٣٤٣ ابو داود شریف ، باب فی الاکسال ص ٣٢ نمبر ٢١٧)اس لئے شہوت کے بغیر بھی منی نکل جائے تو غسل واجب ہوگا ۔
نوٹ : عورت کی منی نکل جائے تو اس پر بھی غسل لازم ہوگا۔ دلیل حدیث میں ہے عن ام سلمة ... فھل علی المرأة من غسل اذا احتلمت؟ فقال رسول اللہ ۖ نعم اذا رات الماء (یعنی المنی) (د) (مسلم شریف،باب وجوب الغسل علی المرأة بخروج المنی منھا ص ١٤٥ نمبر ٧١٢٣١٣) ۔
ترجمہ: ٣ ہماری دلیل یہ ہے کہ آیت میں پاک کرنے کا حکم جنبی کو شامل ہے ۔اور لغت میں جنبی کہتے ہیں شہوت کے ساتھ منی نکلنے کو ۔چنانچہ عرب میں کہتے ہیں اجنب الرجل : جب عورت سے شہوت پوری کرے ۔
تشریح: آیت میں حکم ہے کہ جنبی غسل کرے اور عرب جنبی اسکو کہتے ہیں جو اپنی بیوی سے شہوت پوری کرے ،جس سے معلوم ہوا کہ شہوت کے ساتھ منی نکلے تب ہی غسل واجب ہوگا ۔اگر جریان کی وجہ سے بغیر شہوت کے منی نکل گئی تو غسل واجب نہیں ہوگا ۔اصل وجہ تو اوپر کی ابوداؤد،اور مسند احمد کی حدیث ہے جس میں ہے کہ منی کود کر نکلے یعنی شہوت کے ساتھ نکلے تو غسل واجب ہو گا ۔
ترجمہ: ٤ اور شافعی کی پیش کردہ حدیث شہوت کے ساتھ نکلنے پر محمول ہے ۔یعنی امام شافعی نے جو حدیث پیش کی ہے انما الماء من الماء ۔تو اسکا مطلب یہ ہے کہ شہوت کے ساتھ منی نکلے تو غسل واجب ہے ۔اسی معنی پر حدیث محمول ہے ۔
ترجمہ: ٥ پھر امام ابو حنیفة اور امام محمد کے نزدیک اپنی جگہ سے شہوت کے ساتھ جدا ہونے کا اعتبار ہے ۔یعنی جس وقت منی کی تھیلی سے منی جدا ہو رہی ہو اس وقت شہوت ہو چاہے باہر نکلتے وقت شہوت نہ ہو پھر بھی غسل واجب ہے ۔
ترجمہ: ٦ اور امام ابویوسف کے نزدیک باہر نکلتے وقت بھی شہوت ہو قیاس کرتے ہوئے خروج کو جدا ہونے پر اسلئے کہ غسل دونوں کے ساتھ متعلق ہے ۔
تشریح: امام ابویوسف کی رائے ہے کہ منی کی تھیلی سے جدا ہونے کے وقت بھی شہوت ہو اور عضو تناسل سے جب باہر ہورہی ہو تب بھی شہوت ہو تب غسل واجب ہوگا ۔وہ فرماتے ہیں کہ منی کی تھیلی سے کھسکتے وقت جس طرح شہوت ضروری ہے اسی پر قیاس کرتے ہوئے عضو تناسل سے باہر نکلتے وقت بھی شہوت ضروری ہونی چاہئے ۔کیونکہ غسل کا تعلق تھیلی سے کھسکنے سے بھی ہے اور عضو تناسل سے باہر نکلنے سے بھی ہے ۔چنانچہ اگر کسی کی منی اسکی تھیلی سے شہوت کے ساتھ کھسکی اور اس نے عضو تناسل کو پکڑ لیا پھر شہوت ختم ہونے
