ماہنامہ انوار مدینہ لاہور جون 2013 |
اكستان |
 |
حضرت ِاَقدس پیر و مرشد مولانا سیّد حامد میاں صاحب کے مجلس ِذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' اَنوارِ مدینہ'' کے ذریعہ ہر ماہ حضرت اقدس کے مریدین اَور عام مسلمانوں تک با قاعدہ پہنچایا جاتا ہے۔ اَللہ تعالیٰ حضرتِ اَقدس کے اِس فیض کو تا قیا مت جاری و مقبول فرمائے۔ (آمین) ضرورت سے زائد خرچ کر ڈالو۔رات عبادت، صبح اِستغفار جہاد فریضہ ہے،ورلڈ آرڈر کھرے مسلمانوں کا حق ہے بوڑھے صحابی کا جذبہ قتال۔بادشاہوں کا سالانہ جہاد آپ ۖ نے حضرت عمر کی رائے کو درست قرار دیا ( تخریج و تز ئین : مولانا سیّد محمود میاں صاحب ) ( کیسٹ نمبر 74 سائیڈ,B A 16 - 08 - 1987 ) اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! حضرت آقائے نامدار ۖ کے زمانے سے یہ چیز چلی آرہی ہے کہ نجات کا باعث تو صرف اِیمان ہے لیکن اِس بات کو عام کرنا یہ منع ہے اَور کیوں منع ہے ؟ اُس کی وجہ یہ ہے کہ لوگ کم سمجھی کی وجہ سے یہ خیال کرنے لگیں گے کہ بس کلمہ پڑھ لیا نجات ہو گئی اَور چاہے جو کرتے پھریں ۔ ایک واقعہ ہے لمبا اُس میں آتا ہے نام حضرت اَبو ہریرہ رضی اللہ عنہ کا کہ رسول اللہ ۖ کی خدمت میں ہم بیٹھے ہوئے تھے ہمارے ساتھ حضرت اَبوبکر و عمر رضی اللہ عنہما بھی تھے کچھ اَور لوگ بھی تھے، آپ کھڑے ہوئے اَور کہیں تشریف لے گئے اَور بالکل پتہ نہیں چلا کہ کہاں تشریف لے گئے !