ماہنامہ انوار مدینہ لاہور ستمبر 2010 |
اكستان |
 |
عید الفطر کے بعد کے چھ روزے ماہ شوال میں رکھے جائیں۔ خواہ وہ مسلسل رکھے جائیں یا وقفہ وقفہ سے رکھے جائیں۔ غرض یہ کہ اِس ماہ میں چھ روزوں کی تعداد پوری ہوجائے۔ حضرت ابو اَیوب اَنصاری رضی اللہ عنہ فرماتے ہیں کہ نبی کریم ۖ نے فرمایا کہ جس شخص نے رمضان المبارک کے روزے رکھے پھر چھ روزے شوال کے مہینہ میں رکھے تو یہ ایسا ہوگیا جیسا کہ اُس نے سال بھرکے روزے رکھے۔ پورا سال روزے رکھنے کا جتنا ثواب ہے اُس کے برابر ثواب شوال کے مہینہ میں چھ دِن کے روزے رکھنے کا ملتا ہے۔ ایک اَور حدیث میں اِرشاد ہے کہ حضرت ابن ِعمر رضی اللہ عنہما فرماتے ہیں کہ حضور نبی کریم ۖ نے فرمایا جس شخص نے رمضان المبارک کے روزے رکھے اَور شوال کے مہینہ میں چھ روزے رکھے تو وہ گناہوں سے ایسا پاک ہو جاتا ہے جیسے آج اپنی ماں کے بطن سے پیداہوا ہو۔ یعنی بچہ ماں کے پیٹ سے جیسا گناہوں سے پاک صاف پیدا ہو تاہے اِسی طرح رمضان المبارک کے روزے رکھنے کے بعد شوال میں چھ روزے رکھنے سے بھی وہ گناہوں سے اِسی طرح پاک و صاف ہوجاتا ہے۔ اللہ تعالیٰ ہم سب کو اِن باتوں پر عمل کی توفیق عطا فرمائیں، آمین۔ ( بشکریہ : ماہنامہ لولاک ملتان اگست ٢٠١٠ئ) قارئین انوارِمدینہ کی خدمت میں اپیل ماہنامہ انوارِ مدینہ کے ممبر حضرات جن کو مستقل طورپر رسالہ اِرسال کیا جارہا ہے لیکن عرصہ سے اُن کے واجبات موصول نہیں ہوئے اُن کی خدمت میں گزارش ہے کہ انوارِ مدینہ ایک دینی رسالہ ہے جو ایک دینی ادارہ سے وابستہ ہے اس کا فائدہ طرفین کا فائدہ ہے اور اس کا نقصان طرفین کا نقصان ہے اس لیے آپ سے گزارش ہے کہ اِس رسالہ کی سرپرستی فرماتے ہوئے اپنا چندہ بھی اِرسال فرمادیں اوردیگر احباب کوبھی اس کی خریداری کی طرف متوجہ فرمائیں تاکہ جہاں اس سے ادارہ کو فائدہ ہو وہاں آپ کے لیے بھی صدقہ جاریہ بن سکے۔(ادارہ)