ماہنامہ انوار مدینہ لاہور اگست 2010 |
اكستان |
|
اَنفَاسِ قدسیہ قطب ِ عالم شیخ الاسلام حضرت مولانا سیّد حسین احمدصاحب مدنی کی خصوصیات حضرت مولانا مفتی عزیز الرحمن صاحب بجنوری فاضل دارُالعلوم دیوبندو خلیفہ مجاز حضرت مدنی عالِمانہ خصوصیات : جب آپ فارغ التحصیل ہوگئے تو حضرت شیخ الہند نے آپ کو اپنے بھائی کے ہمراہ گنگوہ شریف بھیج کر حضرت مولانا رشید احمد صاحب گنگوہی سے بیعت کرادیا ،وہاں سے فارغ ہو کر آپ دیوبند ہوتے ہوئے مدینہ منورہ کے لیے روانہ ہونے والے تھے تو دیوبند اسٹیشن پر آپ کو اَور آپ کے بڑے بھائی مولانا محمد صدیق صاحب کو رُخصت کرنے کے لیے دارُالعلوم کے طلباء کے ایک بڑے، ہجوم کے ساتھ اسٹیشن تک پیدل حضرت شیخ الہند بھی تشریف لائے اَور راستے بھر پندو نصائح فرماتے رہے۔ اِرشاد فرمایا کہ دیکھنا پڑھانا نہ چھوڑنا چاہے دو تین ہی طالب علم کیوں نہ ہوں ١ اِس پُرکیف اَور محبت آمیز منظر کو مندرجہ ذیل واقعہ کی روشنی میں ملاحظہ فرمائیے : ''حضرت معاذ بن جبل رضی اللہ عنہ کو حضور ۖ یمن کاعامل بناکربھیج رہے ہیں رُخصت کے لیے مدینہ منورہ سے باہر تشریف لاتے ہیں، حضرت معاذ بن جبل رضی اللہ عنہ سوار ہیں اَورسرکار ِدو عالم ۖ پیدل تشریف لے چل رہے ہیں اَور نصیحت فرما رہے ہیں : اَے معاذ یہ کرنا، اَے معاذ وہ کرنا۔'' اَکابر اَور بزرگوں اَور اَساتذہ کی توجہات اَور دُعاؤں کا یہ اَثر ہوا کہ جب مکہ معظمہ سے مدینہ منورہ کے لیے روانہ ہوئے تو حالت ِ سفر میں آنحضرت ۖ کو خواب میں دیکھاچنانچہ نقش ِ حیات میں تحریرفرماتے ہیں : ١ اہل ِحق کی من جملہ خصوصیات میں سے ایک یہ بھی ہے کہ علم نبوت کی اِشاعت فرماتے ہیں، مشائخ دیوبند کا طرۂ اِمتیاز بھی یہی ہے۔