ماہنامہ انوار مدینہ لاہور اگست 2010 |
اكستان |
|
حرف آغاز نحمدہ ونصلی علی رسولہ الکریم امابعد! گزشتہ ماہ کے اَوائل میں حضرت مولانا قاری شریف احمد صاحب کی شدید علالت کی وجہ سے بندہ کو اچانک کراچی جانا پڑا وہاں سے ایک دِن کے لیے حیدر آباد بھی گیا راستہ میں شریک ِ سفر جامعہ مدنیہ جدید کے طالب علم جو کراچی کے رہائشی ہیں اپنا ایک واقعہ بتلانے لگے کہ : ''میں موٹرسائیکل پر کہیں جا رہاتھا کہ راستہ میں ایک جگہ ٹریفک پولیس کے سارجنٹ نے مجھے رُکنے کااِشارہ کرتے ہوئے ساتھ بیٹھانے کی عاجزانہ درخواست کی میں نے اُس کو بٹھا لیا چلتے چلتے ایک شاہرہ پر اچانک کہنے لگا کہ رُکورُ کو میں نے گھبراکر پوچھا کہ کیاہوا؟ کہنے لگا رُکوورنہ میری دھاڑی کے سو روپے مارے جائیں گے میں نے کچھ گھبراتے ہوئے موٹر سائیکل روکی تووہ جلدی سے اُترا اَور پیچھے آنے والے ایک ٹرک والے کو اِشارہ کر کے روکا اَور بڑی رعونت اَور سخت لہجے میں اُس کو نیچے اُترنے کا اِشارہ کرتے ہوئے کاغذات طلب کیے اَور کہا کہ اِس سڑک پر اِس وقت ٹرک کیوں لائے ہو، ٹرک والے نے بڑے اطمینان سے بیٹھے بیٹھے ایک کارڈ دِکھایا جس کو دیکھتے ہی سارجنٹ اُلٹے پاؤں واپس ہوا اَور میرے ساتھ موٹرسائیکل پر بیٹھ گیا ۔میں نے پوچھا کہ یہ کیا ماجرا ہے تم تو بڑے جوش سے اُترے تھے'' دیہاڑی'' کا کیا رہا؟کہنے لگا اُس نے ہمارے