ماہنامہ انوار مدینہ لاہور اگست 2010 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٢٧رجب المرجب ١٤٣١ھ مطابق ١٠جولائی٢٠١٠ء کو جامعہ مدنیہ جدید میں وفاق المدارس کے سالانہ اِمتحانات نہایت خوش اسلوبی سے ہوئے ،جامعہ کے ٣٠٠ طلباء نے وفاق کا اِمتحان دیا،والحمد للہ۔ ٤ شعبان المعظم١٤٣١ھ مطابق ١٧جولائی٢٠١٠ء بروز ہفتہ سے حسب ِسابق جامعہ مدنیہ جدید میں اُستاذ الحدیث حضرت مولانا محمدحسن صاحب نے دورۂ صرف ونحو کا آغاز کیا، ملک کے چاروں صوبوں سے آنے والے طلباء نے بڑی تعداد میں شرکت کی،اللہ تعالیٰ قبول فرمائے۔ ٢٦جولائی کو بعد نماز مغرب شیخ الحدیث حضرت مولانا سیّد محمود میاں صاحب جامعہ مدنیہ جدید کے فاضل مولانامشاہد صاحب کی خواہش پر مدرسہ عائشہ صدیقہ للبنات بھٹہ چوک کینٹ میں ختم بخاری شریف کی تقریب میں شرکت کی غرض سے تشریف لے گئے جہاں آپ نے بخاری شریف کی آخری حدیث پڑھائی اور اپنے مختصر بیان میں علم کی اہمیت اَور مقاصد پر روشنی ڈالی۔ جامعہ مدنیہ جدید کے فوری توجہ طلب ترجیحی اُمور (١) زیر تعمیرمسجد حاد کی تکمیل(٢) طلباء کے لیے مجوزہ دَارالاقامہ (ہوسٹل) اور درسگاہیں(٣) اَساتذہ اور عملہ کے لیے رہائش گاہیں(٤) کتب خانہ اور کتابیں (٥) زیر تعمیرپانی کی ٹنکی کی تکمیل ثواب جاریہ کے لیے سبقت لینے والوں کے لیے زیادہ اَجر ہے ۔