ماہنامہ انوار مدینہ لاہور اگست 2010 |
اكستان |
 |
ایک صحابی حضرت ابو مسعود بدری صفرماتے ہیںکہ ایک مرتبہ میں اپنے غلام کو کوڑے سے مار رہا تھا اِسی درمیان میںنے اپنے پیچھے سے یہ آواز سنی کہ اِعْلَمْ اَبَامَسْعُوْدٍ (ابو مسعود خبردار) مگر میں غصہ کی شدت کی وجہ سے یہ نہیںسمجھ سکا کہ آواز دینے والا کون ہے؟ پھر جب نبی کریم امیرے قریب آگئے تو مجھے احساس ہوا کہ آپ ا ہی مجھے آواز دے رہے تھے چنا نچہ آپ اکی ہیبت سے میرے ہاتھ سے کوڑا گِر گیا تو آنحضرت انے اِرشاد فرمایا کہ'' ابومسعود ! اچھی طرح جان لو کہ جتنا تم اپنے اِس غلام کو مارنے پر قادر ہو اُس سے زیادہ اللہ تعالی تمہیں سزا دینے پر قادر ہے'' حضرت ابومسعودص فرماتے ہیں کہ میںنے فورًاعرض کیا کہ حضرت میںاَب کبھی کسی غلام کو نہ مارُوں گا۔ اور ایک روایت میں یہ ہے کہ آپ نے اُسے فورًا آزاد کردیا تو آنحضرت انے اِرشاد فرمایا کہ اگر تم اَیسا نہ کرتے تو جہنم کی آگ تم کو جھلسا دیتی۔ (مسلم شریف ٢/٤٥١) اِس روایت سے بھی اِسلام کی اِنسانیت نوازتعلیمات کا اَندازہ لگایا جاسکتا ہے۔ بڑوں کی عزت، چھوٹوں پر شفقت : اِسلام نے اِنسا نیت نوازی کا مظاہرہ کر تے ہوئے اہلِ ایمان کو بڑی عمر کے اَفراد کی عزت کرنے اَور چھوٹوں پر شفقت کرنے کی تعلیم دی ہے اَور اِس میں بھی رشتہ داری یا رنگ و نسل کی کو ئی تفریق نہیں ہے جو شخص بھی بڑی عمر کا ہو وہ اپنی عمر کے اعتبار سے عزت واحترام کا مستحق ہوتا ہے اِسی طرح بچہ خواہ کسی کا ہو وہ اپنے بچپن کے اعتبار سے شفقت کا مستحق ہے۔ نبی اَکرم ا نے اِر شاد فرمایا : لَیْسَ مِنَّا مَنْ لَّمْ یَرْحَمْ صَغِیْرَنَا وَلَمْ یُوَقِّرْ کَبِیْرَنَا وَ یَأمُرْ بِالْمَعْرُوْفِ وَیَنْہَ عَنِ الْمُنْکَرِ. (رواہ التر مذی ٢/١٤) ''وہ شخص ہم میں سے نہیں جو ہمارے چھوٹوں پر رحم نہ کرے اَور ہمارے بڑوں کی عزت نہ کرے اَور جو امر بالمعروف اَور نہی عن المنکر نہ کرے۔'' ایک اَور روایت میںہے کہ آنحضرت ا نے اِرشاد فرمایا کہ جو نوجوان شخص کسی بوڑھے کی اُس کے بڑھاپے کی بنا ء پر تکریم کرے تو اللہ تعالیٰ اُس نوجوان کے بوڑھے ہونے پر اُس کے ساتھ بھی اَیسے ہی اِکرام کرنے والے کو مقرر فرمائے گا۔ (مشکوٰة شریف ٢/٤٢٣) ایک روایت میںہے کہ آنحضرت ا نے اِرشاد فرمایا کہ یہ بات بھی اللہ کی عظمت میں شامل ہے کہ