ماہنامہ انوار مدینہ لاہور اگست 2010 |
اكستان |
اِسلام کی اِنسانیت نوازی ( حضرت مولانا مفتی محمد سلمان صاحب منصورپوری،اِنڈیا ) مصیبت زَدگان اَور مسافروں کی مدد : اِسلام نے اِنسانیت نوازی کا ثبوت دیتے ہوئے اپنے ماننے والوںکو وقتی مصائب سے دو چار ہونے والے اَفراد کی مدد پر بھی آمادہ کیا ہے۔ قرآنِ کریم میں کئی جگہ مسافروں کے ساتھ مہربانی کا برتاؤ کرنے کی تلقین کی گئی ہے حتی کہ زکوٰة وصدقات کے مصارف میں ایک اہم مصرف مسافروں کی مدد کا بھی ہے۔ اِرشاد خداوندی ہے : اِنَّمَا الصَّدَقٰتُ لِلْفُقَرَآئِ وَالْمَسٰکِیْنِ وَالْعٰمِلِیْنَ عَلَیْہَا وَالْمُؤَلَّفَةِ قُلُوْبُھُمْ وَفِی الرِّقَابِ وَالْغَارِمِیْنَ وَفِیْ سَبِیْلِ اللّٰہِ وَابْنِ السَّبِیْلِ. (سُورہ توبہ ٦٠) زکوٰة جوہے سو وہ ہے حق مفلسوں کا اَور محتاجوں کا اَور جن کا دِل لُبھانا مقصود ہے اَور گردنوں کے چھڑانے میں اَور جو تاوان (غلاموں کو آزاد کرنے میں) بھریں، اَور اللہ کے راستے میں اَور راہ کے مسافر کو۔ (ترجمہ شیخ الہند /٢٦٠) آنحضرت ا کے اَخلاقِ فاضلہ میں شروع ہی سے اِنسانی ہمدردی سب سے فوقیت رکھتی تھی چنا نچہ جب آپ ا کو نبوت عطا ہوئی تو آپ ا کی زوجہ مطہرہ سیدنا حضرت خدیجة الکبریٰ رضی اللہ تعالی عنہا نے تسلی کے لیے جو اِلفاظ اِرشاد فرمائے وہ آپ اکے اَخلاقِ طیبہ پر پوری روشنی ڈالتے ہیں، آپ رضی اللہ عنہا نے فرمایاتھا : کَلَّا ! أَبْشِرْ وَاللّٰہِ لَا یُخْزِیْکَ اللّٰہُ اَبَدًا وَاللّٰہِ اِنَّکَ لَتَصِلُ الرَّحِمَ وَتَصْدُقُ الْحَدِیْثَ وَتَحْمِلُ الْکَلَّ وَتَکْسِبُ الْمَعْدُوْمَ وَتَقْرِی الضَّیْفَ وَتُعِیْنُ عَلٰی نَوَائِبِ الْحَقِّ ، اِلٰٰی آخرہ. (مسلم شریف ١/٨٨) ''ہرگز نہیں ! آپ خوش خبری قبول فرمائیے !اللہ کی قسم! اللہ تعالیٰ آپ کو کبھی رُسوانہ فرمائے