ماہنامہ انوار مدینہ لاہور اگست 2010 |
اكستان |
 |
تقرظ وتنقید نام کتاب : بریلویت حقائق کے آئینہ میں تالیف : جناب پرو فیسر حافظ غلام محمد میمن صاحب ضخامت : ٤٥٦ صفحات، کمپوزنگ مناسب ،جلد مضبوط ناشر : مکتبہ اِصلاح و تبلیغ،حیدرآباد قیمت : ٤٦٠ روپے علماء حق کاشیو ہ دین کے بلند مقاصد کی تکمیل اَور اُمت ِ مسلمہ کی بحیثیت مجموعی سربلندی قائم رکھنے کا رہاہے، اِس لیے داخلی طور پر رُونما ہونے والے اِختلافات کو تحمل و برد باری سے نظر اَنداز کر کے وہ مثبت اَنداز سے دین ِ متین کی صحیح تعبیرو تشریح کا فریضہ اَدا کرنے کی کوشش فرماتے رہے ہیں اَلبتہ اِختلافی مسائل میں بھی محض اِظہار ِ حق کے لیے سنجیدہ اَنداز میں کوئی بھی بات کہہ دی جاتی ہے تاکہ اُس پر ٹھنڈے دِل سے غور کر کے صحیح نتائج حاصل کیے جا سکیں اَور غلط فہمیوں کو دُور کیاجا سکے۔ پیش نظر کتاب بریلوی مکتبہ فکر کے بارے میں قدیم و جدید تقریبًا دو سو کتابوں کے ایک اَیسے ہی سنجیدہ مطالعہ کا خلاصہ ہے جو موافق و مخالف ہر دو طبقوں کو دعوت ِ فکر دیتا ہے۔ مؤلف کتاب نے جن اُمور پر اپنے تحقیقی و تقابلی مطالعہ کا حاصل پیش کیا ہے اِس کے چند نکات درج ذیل ہیں : (١) علمائِ حق کی جن چار شخصیات کے بارے میں گستاخ اَور کافر ہونے کا پرو پیگنڈہ جاری رہتا ہے حیرت کی بات یہ ہے کہ اُن کی کتابوں کی اصل عبارتیں وہ نہیں ہیں جو مخالفت کرنے والوں کی طرف سے پیش