ماہنامہ انوار مدینہ لاہور جون 2007 |
اكستان |
|
تجربہ کار سوانح نگار ہیں اور بہت سے اکابر و اعلام کی سوانح لکھ چکے ہیں۔ مولانا رحمت اللہ کیرا نوی کے بارے میں آپ کی یہ کتاب حال ہی میں ہندوستان میں طبع ہوئی تھی۔ اُسی کا عکس لے کر لاہور میں اِس کتاب کو مکتبہ اُخوت والوں نے شائع کیا ہے۔ راقم الحروف ناشر کے شکریہ کے ساتھ ایک گلہ بھی کرتا ہے کہ کتاب جس عظیم المرتبت ہستی کے بارے میں ہے اِسے اُن کے شایانِ شائع طبع ہونا چاہیے تھا مگر سچی بات ہے کہ اِس کی طباعت کمپوزنگ اور کاغذ اُن کے شایانِ شان نہیں۔ اگر آئندہ طباعت میں اِن کمیوں کو پورا کردیا جائے تو بہت بہتر ہوگا۔ تاہم ''مَالَایُدْرَکُ کُلُّہ لَایُتْرَکُ کُلُّہ '' کے تحت یہ بھی غنیمت ہے۔ تاریخ و تذکرہ اور ردِّعیسائیت پر کام کرنے والے حضرات اِس سے کما حقہ فائدہ اُٹھاسکتے ہیں۔ نام کتاب : خطبات ِ دُرویش خطبات : پیر دُرویش محمد یعقوب صاحب مصطفائی صفحات : ٢٥٦ سائز : ١٦\٣٦X٢٣ ناشر : آستانہ عالیہ ہیبت پور شریف تحصیل پسرور قیمت : درج نہیں زیر تبصرہ کتاب ''خطبات ِ دُرویش'' میں پیر دُرویش محمدیعقوب صاحب کے اُن تیرہ خطبات کو جمع کیا گیا ہے جو آپ اپنی مسجد میں جمعہ کے روز بیان کیا کرتے تھے۔ یہ خطبات اصل میں پنجابی زبان میں تھے۔ آپ کے ایک مسترشد نے اِن کو اُردو میں منتقل کرکے کتابی شکل میں جمع کیا ہے۔ خطبات کی زبان آسان اور صوفیانہ رنگ لیے ہوئے ہے۔ عوام الناس اِس سے فائدہ اُٹھاسکتے ہیں۔