ماہنامہ انوار مدینہ لاہور دسمبر 2004 |
اكستان |
 |
درس حدیث حضرت اقدس پیر و مرشدمولانا سید حامد میاںصاحب رحمہ اللہ کے مجلسِ ذکر کے بعد درسِ حدیث کا سلسلہ وار بیان ''خانقائہ حامدیہ چشتیہ'' رائیونڈروڈلاہور کے زیرِانتظام ماہ نامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے اللہ تعالیٰ حضرت اقدس کے اِس فیض کو تا قیا مت جاری و مقبول فرمائے ۔(آمین ) تخریج و تزئین : مولانا سےّد محمود میاں صاحب کیسٹ نمبر٤٥ سائیڈاے ٨٥۔٣۔٢٢ حضراتِ انصار سے محبت کا عام اعلان جینا مرنا انصار کے ساتھ الحمد للّٰہ رب العالمین والصلوة والسلام علی خیر خلقہ سیّدنا ومولانا محمد وآلہ واصحا بہ اجمعین امابعد ! جناب رسول اللہ ۖ نے انصار کی تعریف کی ہے اتنی زیادہ کہ ایک دفعہ ارشاد فرمایا لَوْلَا الھِجْرَةُ لَکُنْتُ اِمْرَئً مِنَ الْاَنْصَارِ ١ اگر ہجرت نہ ہوتی تومیں انصار میں سے ایک آدمی ہوتا وَلَوْسَلَکَ النَّاسُ وَادِیًا وَسَلَکَتِ الْاَنْصَار وَادِیًا اَوْ شِعْبًا اگر لوگ ایک وادی چلیں اور انصار ایک وادی چلیں یا شعب گھاٹی چلیں لَسَلَکْتُ وَادِی الْاَنْصَارِ وَشِعْبِھَا ٢ تو میں اس وادی میں اس گھاٹی میںجسے انصار پسند کریں اور اختیار کریں اس میں چلنا پسند کرتا یا پسند کروں گا ۔ارشاد فرمایا ''اَلاَنْصَارُ شِعَار وَالنَّاسُ دِثَار'' انصار میرے لیے اس کپڑے جیسے ہیں جو میرے بدن سے لگا ہوا ہے اور باقی لوگ وہ ایسے ہیں جیسے وہ کپڑا ہو جو اُوپر سے اوڑھا گیا ہو۔ انصار کے متعلق پیشین گوئی : اِنَّکُمْ سَتَرَوْنَ بَعْدِیْ اَثَرَةً یا اُثْرَةً میرے بعد آپ لوگ یعنی انصار یہ دیکھیں گے کہ ترجیح دی جاتی ہے یعنی دوسرے لوگ اپنے آپ کو ترجیح دیں گے اور تمہیں ترجیح نہیں دیں گے ۔ ١ مشکٰوة شریف ص ٥٧٦ ٢ ایضاً