ماہنامہ انوار مدینہ لاہور دسمبر 2004 |
اكستان |
|
حرف آغاز نحمدہ ونصلی علی رسولہ الکریم اما بعد ! ختم نبوت اسلام کا اہم ترین بنیادی عقیدہ ہے عقیدۂ توحید کی تکمیل رسالت اورختم نبوت کے اعتقاد کے بغیر نہیں ہوتی اگر عقیدۂ رسالت میں تزلزل آجائے تو عقیدہ توحید بھی برقرار نہیں رہتا یہی وجہ ہے کہ انگریز کی پروردہ قادیانی جماعت عقیدہ ختم نبوت کی پامالی کے لیے ہمیشہ سے سرگرداں ہے۔ ان کی کوشش ہے کہ اپنے کفر پر اسلام کی چادر اوڑھ کر مسلمانوں کی صفوں میںداخل ہو کر سادہ لوح مسلمانوں کے عقیدہ ختم نبوت میں بگاڑ پیدا کرکے اسلام کی بنیادکوکھوکھلا کردیں تاکہ اسلام پر باہر سے حملہ آور ہونے والے اپنے آقائوں کے کام کو آسان کرسکیں ۔ حال ہی میں حکومت ِپاکستان نے پاسپورٹ سے مذہب کا خانہ ختم کردیا ہے جبکہ یہ گزشتہ ٢٥برس سے پاسپورٹ میں موجود تھا ۔ا س خانہ کو ختم کرنا نا صرف دیرینہ قادیانی عزائم کی تکمیل ہے بلکہ آئینی اور قانونی تقاضوںکی پامالی بھی ہے جس سے ملک میں عدمِ استحکام اور عوامی سطح پر زبردست بے چینی کا پیدا ہونا قدرتی امر ہے نیز حرمین شریفین میں قادیانیوں کے بلا روک ٹوک داخل ہونے کی راہیں ہموار ہوتی ہیں جس سے حرمین شریفین کے تقدس کی پامالی کے ساتھ ساتھ اس کے تحفظ کوبھی زبردست خطرات لاحق ہوگئے ہیں۔ حکومت کے اس اقدام سے ہر سطح پر مسلمانوں کے جذبات بری طرح مجروح ہوئے ہیں لہٰذا اس حکومتی اقدام کی جتنی بھی مذمت کی جائے کم ہے۔