ماہنامہ انوار مدینہ لاہور دسمبر 2004 |
اكستان |
وفیات موت العَالِم موت العَالَم گزشتہ ماہ ١٩ رمضان المبارک کو دارالعلوم کبیر والاکے مہتمم اور شیخ الحدیث حضرت مولانا محمد انور صاحب رحمة اللہ علیہ لاہور کے میو ہسپتال میں دل اورجگر کے عارضہ کی وجہ سے انتقال فرماگئے انا للہ وانا الیہ راجعون۔ مولانا طویل عرصہ سے دل کے مریض تھے ہسپتال میں داخل ہونے سے تقریباً ایک ہفتہ پہلے علاج کی غرض سے لاہورتشریف لے آئے اورجامعہ مدنیہ میں قیام پذیر رہے۔ مولانا کی وفات جہاں دارالعلوم کبیروالا کے لیے بہت بڑا حادثہ ہے وہاں علمی حلقہ کے لیے بھی بہت بڑا خلا ہے ۔اللہ تعالیٰ حضرت مولانا کی دینی خدمات کو قبول فرماکر جنت الفردوس میں اعلیٰ مقام عطا فرمائے۔ اُن کے اہلِ خانہ کو صبرِ جمیل عطا فرمائے اوردارالعلوم کبیر والا کو ہر قسم کے شروروفتن سے محفوظ فرماکر ظاہری وباطنی ترقیات سے سرفراز فرمائے۔آمین۔ گزشتہ ماہ مورخہ ١٩ رمضان المبارک کو جناب بھائی خلیل صاحب کے والد صاحب طویل علالت کے بعد وفات پا گئے انا للہ وانا الیہ راجعون۔ مرحوم پابندِ صوم وصلوة اوردعاگو انسان تھے ۔ان کی وفات پر اہلِ ادارہ بھائی خلیل صاحب سے تعزیت کرتے ہوئے دعا گو ہیں کہ اللہ تعالیٰ مرحوم کی مغفرت فرماکر آخرت کے بلند درجات عطا فرمائے۔ آمین۔ جملہ مرحومین کے لیے جامعہ مدنیہ جدید اور خانقاہ حامدیہ میں ایصال ِثواب اور دعائے مغفرت کرائی گئی اللہ تعالیٰ قبول فرمائے ،آمین۔ جامعہ مدنیہ جدید کا ای میل ایڈ ریسjmj786_56@hotmail.com