ماہنامہ انوار مدینہ لاہور نومبر 2004 |
اكستان |
|
میں آخر میں پھر آپ حضرات کی محبت ،عنایت اور استقبال کا تہہ دل سے ممنون اور مشکور ہوں اور میں دُعا کرتا ہوں کہ اللہ تعالیٰ آپ حضرات کو اپنے مقاصدِ حسنہ میں کامیابی عطا فرمائے ،علم اورعمل کی طرف لگادے اور اللہ تعالیٰ ثابت قدمی عطا فرمائے قولِ ثابت عطا فرمائے ۔میں حضرت مولانا سیّد حامد میاں صاحب رحمة اللہ علیہ کی زندگی میں بھی یہاں آیا تھا اس وقت یہاںکچھ بھی نہیںمیدان ہی تھا، اب میں نے دیکھا ماشاء اللہ اتنی عظیم الشان مسجد ہے اور الحمد للہ آپ حضرات ہیں ................... اللہ تعالیٰ اس مدرسے کو دِن دُگنی رات چوگنی ترقی عطا فرمائے اور جوخدام ہیں اللہ تعالیٰ اُن کی خدمت کو قبولیت سے بھی نوازے اور نصرت بھی فرمائے صلی اللہ تعالیٰ علی خیر خلقہ سیّدنا محمد و علی الٰہ واصحابہ اجمعین۔ جامعہ مدنیہ جدید کے تعلیمی احوال ماہ شعبان میں ٢٠روزہ دورۂ صرف ونحو بروز ہفتہ ٧ شعبان المعظم سے جامعہ مدنیہ جدید میں دورہ صرف ونحو کا آغاز ہوا اور ١٦ شعبان بروز جمعرات اس کی تکمیل ہوئی، الحمد للہ اس عرصہ میں ملک کے چاروں صوبوں سے آئے ہوئے طلباء نے پورے ذوق وشوق سے تعلیم حاصل کی ۔ حضرت مولانا محمد حسن صاحب اور اُن کے معاونین ہمہ وقت طلبا کو بہت محنت سے پڑھاتے رہے ، روزانہ بعد فجر اکثر طلباء سورۂ یٰسین شریف پڑھتے اوربعد عصر تمام طلباء ختم خواجگان میں شریک ہوتے اور ا جتماعی دُعاء ہوتی ۔ہر اتوار کو عصر کی نماز کے بعد حضرت مولانا سیّد محمود میاں صاحب ہفتہ وار مجلس ذکر کراتے اور اس کے بعد درسِ حدیث دیتے۔طلباء کی تعداد800رہی اُن کے قیام وطعام کا تمام انتظام جامعہ مدنیہ جدید کی طرف سے ہوا۔ بحمداللہ پورا تعلیمی عرصہ بخیروعافیت پورا ہوا تمام اُمور میں اللہ تعالیٰ کی مدد و نصرت شاملِ حال رہی۔ انشاء اللہ تعالیٰ رمضان کے بعد ١١ شوال سے نئے تعلیمی سال کے لیے مختلف درجوں میں داخلے شروع ہوں گے۔ نوٹ ٢٥ شعبان کو صبح گیارہ بجے حضرت مولانا سیّد محمود میاں صاحب نے طلباء سے الوداعی خطاب کیا قارئین کرام یہ خطاب انشاء اللہ اگلے ماہ ملاحظہ فرمائیں گے