ماہنامہ انوار مدینہ لاہور نومبر 2004 |
اكستان |
|
جامعہ مدنیہ جدید میں ایک پُر وقار تقریب گزشتہ ماہ٢١شعبان /٧اکتوبرکو دارالعلوم دیوبند کے ناظم تعلیمات اور اُستاذالحدیث حضرت مولانا سیّد ارشد صاحب مدنی دامت برکاتہم پاکستان تشریف لائے۔ ہوائی اڈہ سے حضرت مولانا فضل الرحمن صاحب دامت برکاتہم اور اساتذہ و اراکینِ جامعہ جدید اور مقامی ذمہ دارانِ جمعیت علماء اسلام کی معیت میں حضرت سیدھے جامعہ مدنیہ جدید رائیونڈ روڈ تشریف لائے اور بعد عشاء جامعہ مدنیہ جدید کے طلباء اور بڑی تعداد میں جمع ہونے والے مہمانانِ گرامی سے خطاب فرمایا۔ ان کے خطاب سے قبل امیر جمعیة علماء اسلام حضرت مولانا فضل الرحمن صاحب نے افتتاحی بیان فرمایا۔ قارئین کرام ہر دو حضرات کے بیانات ملاحظہ فرمائیں ۔ (ادارہ) بیان حضرت مولانا فضل الرحمن صاحب مدظلہم امیر جمعیت علمائے اسلام الحمد للّٰہ رب العالمین والصلٰوة والسلام علی اشرف الانبیاء والمرسلین وعلٰی واٰلہ وصحبہ ومن تبعھم الی یوم عظیم امابعد ! مہمانانِ گرامی !حضرت اقدس مولانا سیّد ارشد مدنی برکاتہم العالیہ کو ہم سب سرزمین ِپاکستان پر سرزمین ِلاہور پر اور جامعہ مدنیہ جدید کے اس احاطہ میں تشریف آوری پر دل کی گہرائیوں سے خوش آمدید کہتے ہیں اور اپنے اندر اِن کی موجودگی کو اپنے لیے سعادت کا ذریعہ سمجھتے ہیں ۔حضرت مولانا جب ہمارے پاس تشریف لاتے ہیں تو ظاہر ہے کہ اُن کی شخصیت کے ساتھ ایک تاریخ وابسطہ ہے وہ سارا تاریخی پس منظر ہماری نظروں کے سامنے ہوتا ہے ایک طرف مادرِ علمی دارالعلوم دیوبند کا تصور دوسری طرف حضرت شیخ الاسلام شیخ العرب والعجم حضرت مولانا سیّد حسین احمد مدنی نوراللہ