Deobandi Books

پنا جال پھیلایا ہوا ہے جو سادہ لوح احناف کو لامذہبیت کا شکار بنانے میں مصروف ہے۔
	سعودی حکومت کا سرکاری مذہب حنبلی ہے یہ لوگ اپنے آپ کو وہاں سلفی بتلاتے ہیں اور غیر مقلد ظاہر نہیں کرتے نہ ہی وہاں تقلید کو شرک اور مقلدین کو مشرک کہتے ہیں چونکہ اُن کی رفع یدین اور آمین بالجہر حنابلہ سے ملتی ہے اس لیے اندر گھس کر احناف کے خلاف غلط پروپیگنڈہ کرنا اُن کا مشن ہے اور توحید کالبادہ اوڑھ کر وہاںکے حکام کا احناف کے خلاف استعمال کرنے کی ہر ممکن سعی کرتے ہیں ۔
	اس مرتبہ مدینہ شریف میں جب ہمارے مکتب والے ہمیں مدینہ پاک کی زیارت کے لیے لے گئے تو گاڑی کے ٹیپ ریکارڈ میں اُردوزبان کی ایک کیسٹ زائرین کے سننے کے لیے لگادی ۔تمام زائرین. اس کیسٹ کو بڑے غور سے سُن رہے تھے اور حیران ہو کر ایک دوسرے کی طرف دیکھ رہے تھے کیونکہ اس کیسٹ میں ذکر کردہ بیشتر مسائل فقہ حنفی کے مطابق نہیں تھے ۔میں نے ڈرائیور سے کہا کہ اس کیسٹ کو بند کرکے کوئی دوسری کیسٹ لگادو تو اُس نے جواباً کہا کہ کوئی دوسری کیسٹ نہیں ہے اور مکتب والوں نے ہمیں یہی کیسٹ لگانے کا حکم دیاہے ۔میں نے اُس سے کہا کہ اس میں بہت سے غلط مسائل ہیں اسے بند کردو لوگ پریشان ہو رہے ہیںتو اس نے وہ کیسٹ نکال کر مجھے دے دی اور کہا کہ آپ لے جائیں چنانچہ وہ کیسٹ میں اپنے ساتھ پاکستان لے آیا۔ 
	چنددن قبل بندہ نے اُس کیسٹ کو سُنا تو خیال آیا کہ اس کیسٹ کے غلط مسائل قارئینِ گرامی کے سامنے پیش کرکے صحیح مسائل کا ذکر بھی کردینا چاہیے ممکن ہے کوئی قاری وزارتِ مذہبی اُمور کی توجہ اس جانب مبذول کرادے اور ہماری حکومت سعودی حکومت سے اس سلسلہ میں تعاون کا مطالبہ کرکے ہمارے زائرین کرام کو لامذہبیت (غیر مقلدیت)کے سیلاب میں غرق ہونے سے بچا لے۔ وما توفیقی الا باللّٰہ۔
	مذکورہ بالاکیسٹ کا نام ''اہم دینی اسباق''ہے جسے سعودی عرب کی وزارة دینی امور نے تیار کروا کر تقسیم کیاہے۔ کیسٹ کے شروع میں ذکر کیا ہے کہ یہ شیخ عبدالعزیز بن باز مرحوم کی کتاب کا ترجمہ ہے لیکن کتاب کے نام کا کوئی ذکر نہیں کیا ۔اس میں ارکان ِاسلام ، توحید وشرک کی اقسام کا ذکر کرنے کے بعد وضو ،نماز، غسل میت، نمازِ جنازہ اور تدفین میت کے مسائل بیان کیے گئے ہیں جن میں سے کچھ غلط مسائل کا ذکر ذیل میں کرکے صحیح مسئلہ فقہ حنفی کی کسی کتاب کے حوالہ سے بیان کیا جائے گا۔ ہم چونکہ مقلدہیں اور مقلد وہ ہوتا ہے جو اپنے امام کی فقہ کی کتاب میں ذکر کردہ مسئلہ کو بغیر مطالبۂ دلیل پڑھ کو قبول کرے۔ میں نے صحیح مسائل بتانے کے لیے اُردو میں لکھی گئی کتب فقہ میں سے تعلیم الاسلام ،مسائل بہشتی زیور اور عمدة الفقہ کے حوالے دئیے ہیں تاکہ قارئینِ کرام ان کتابوں سے استفادہ کرسکیں ۔